ആലപ്പുഴ: നിയമസഭാ തെരഞ്ഞെടുപ്പില് സ്ഥാനാര്ത്ഥി ചെലവഴിച്ച പണത്തിന്റെ സമര്പ്പിക്കാനുള്ള തീയതി ഈ മാസം 20ന് അവസാനിക്കെ കോണ്ഗ്രസ് സ്ഥാനാര്ത്ഥി കണക്കു തേടി നെട്ടോട്ടത്തില്.
ആലപ്പുഴ മണ്ഡലത്തിലെ കോണ്ഗ്രസ് സ്ഥാനാര്ത്ഥിയാണ് തെരഞ്ഞെടുപ്പു ചുമതലയുണ്ടായിരുന്ന നേതാവിനെത്തേടി അലയുന്നത്. തെരഞ്ഞെടുപ്പു ചെലവു വരവു കണക്കുകള് തയ്യാറാക്കി നല്കേണ്ട ചുമതല ഈ നേതാവിനായിരുന്നു. എന്നാല് കഴിഞ്ഞ കുറച്ചു ദിവസങ്ങളായി സ്ഥാനാര്ത്ഥി ഫോണ് ചെയ്തിട്ടും ഇയാള് എടുക്കാന് തയ്യാറാകുന്നില്ലെന്നാണ് പരാതി ഉയരുന്നത്. കണക്കു സമര്പ്പിക്കാനിനി ഏതാനും ദിവസങ്ങള് മാത്രമാണ് അവശേഷിക്കുന്നത്.
സ്ഥാനാര്ത്ഥി പലതവണ ഇദ്ദേഹത്തെ തേടിയെത്തിയെങ്കിലും കാണാന് സാധിച്ചില്ല. നേതാവ് ബോധപൂര്വ്വം മുങ്ങുന്നതായാണ് പാര്ട്ടി പ്രവര്ത്തകര് കുറ്റപ്പെടുത്തുന്നത്.
ഐ ഗ്രൂപ്പുകാരനായി അറിയപ്പെടുന്ന ഈ നേതാവ് കെപിസിസി പ്രസിഡന്റുമായും അടുത്ത ബന്ധമുള്ളയാളാണ്. തെരഞ്ഞെടുപ്പു പ്രചാരണ കാലയളവിലും ഒരു വിഭാഗം കോണ്ഗ്രസുകാര് സ്ഥാനാര്ത്ഥിക്കെതിരായ നിലപാടാണ് സ്വീകരിച്ചത്. അതിന്റെ തുടര്ച്ചയാണ് ഇപ്പോള് നടക്കുന്നതെന്നാണ് ആക്ഷേപം.
