അമ്പലപ്പുഴ: കാലവര്ഷം കനത്തതോടെ കടലാക്രമണവും നാശനഷ്ടവും രൂക്ഷമായി. അമ്പലപ്പുഴ വടക്ക് പഞ്ചായത്ത് ഏഴാം വാര്ഡ് നീര്ക്കുന്നം വാണികടവ് സുരേന്ദ്രന്റെ ഉടമസ്ഥതയിലുള്ള ഷെഡ് ഇന്നലെ രാവിലെ തകര്ന്നു. മകന് ജയപ്രകാശ്, ഇയാളുടെ ഭാര്യ ലിജി, ഇവരുടെ മക്കളായ അഞ്ജലി, അരുണ്പ്രകാശ് എന്നിവര് ഈസമയം വീട്ടിലുണ്ടായിരുന്നു. മേല്ക്കൂരയുടെ ഓടും തടിയും ശരീരത്തുവീണ് ലിജിക്ക് പരിക്കേറ്റു. ഇവരെ വണ്ടാനം മെഡിക്കല് കോളേജ് ആശുപത്രിയില് പ്രവേശിപ്പിച്ചു.
വീടുകളില് വെള്ളം കയറിയതിനെത്തുടര്ന് പുന്നപ്ര വടക്കുപഞ്ചായത്തില് 170ഓളം ആളുകളെ പൂന്തോട്ടം എല്പി സ്കൂളിലേക്ക് മാറ്റിപ്പാര്പ്പിച്ചു. അഞ്ഞൂറിലധികം ആളുകളെയാണ് റവന്യൂ സംഘം ഇവിടേക്ക് മാറ്റിയത്. കാലവര്ഷം ശക്തമായതോടെ കിഴക്കന് പ്രദേശങ്ങളും വെള്ളത്തിനടിയിലായി. തോട്ടപ്പള്ളി സ്പില്വേ പൊഴിമുറിച്ച് കിഴക്കന് വെള്ളം ഒഴുക്കാന് നടപടി സ്വീകരിച്ചെങ്കിലും മണല്കയറി പൊഴി അടഞ്ഞതോടെ കിഴക്കന് പ്രദേശങ്ങളില് വീണ്ടും വെള്ളം കയറി.
പുറക്കാട്, അമ്പലപ്പുഴ വടക്ക് പ്രദേശങ്ങളില് കടലാക്രമണം ശക്തമായിതുടരുന്നു. ഇരു പഞ്ചായത്തുകളിലുമായി അമ്പതിലധികം വീടുകളാണ് തകര്ച്ചാഭീഷമി നേരിടുന്നത്.
