അരൂര്: വൈദ്യുതി വിതരണം തടസപ്പെട്ടു, സംഘര്ഷം. ഓഫീസില് ഡ്യൂട്ടിയിലുണ്ടായിരുന്ന ഉദ്യോഗസ്ഥരെ ഭീഷണിപ്പെടുത്തി, ഫര്ണീച്ചറുകള് തല്ലി തകര്ത്തു. കഴിഞ്ഞ ദിവസം രാത്രിയോടെയായിരുന്നു സംഭവം. ഇരുപതോളം പേരടങ്ങുന്ന സംഘമാണ് ഓഫീസിലെത്തി ഫര്ണ്ണീച്ചറുകളും ജനല് ചില്ലുകള് കല്ലെറിഞ്ഞ് തകര്ത്തത്.
മറ്റ് ഉപകരണങ്ങള്ക്ക് കേടുപാടുകള് വരുത്തി. പ്രധാന വാതിലുകള് ചവിട്ടി പൊളിക്കാന് ശ്രമിക്കുകയും ചെയ്തു. മേഖലയിലെ വൈദ്യുതി വിതരണം തടസ്സപ്പെട്ടിരുന്നതുമായി ബന്ധപ്പെട്ട് തര്ക്കം ഉണ്ടായിരുന്നു. ദിവസങ്ങളോളം തുടര്ച്ചയായി വൈദ്യുതി മുടങ്ങിയതിനെ തുടര്ന്നാണ് ഒരു വിഭാഗം ഓഫീസില് ആക്രമണം അഴിച്ചു വിടുകയായിരുന്നത്രേ. ദിവസങ്ങളായി അരൂര് മേഖലയില് മഴ പെയ്താല് വൈദ്യുതി വിതരണം തടസ്സപ്പെടുന്നത് പതിവായിരിക്കുകയാണ്.
ജനങ്ങശുടെ പ്രതിഷേധം ശക്തമായതിനിടയിലാണ് കഴിഞ്ഞ ദിവസം വീണ്ടും വൈദ്യുതി മുടങ്ങിയത്. വൈകിട്ട് തടസപ്പെട്ട വൈദ്യുതി വിതരണം പിറ്റേന്ന് ഉച്ചയോടെയാണ് പുന:സ്ഥാപിച്ചത്. അരൂര് മേഖലയിലെ നാല് ഫീഡറുകള് തകരാറിലായതാണ് ഇതിന് കാരണമെന്ന് വൈദ്യുതി അധികൃതര് പറയുന്നു. അധികൃതര് അരൂര് പോലീസില് പരാതി നല്കി.
