കൊച്ചി: ദല്‍ഹിയിലെ പാറ്റ പാര്‍ട്ടിയുടെ സമരമുഖത്ത് താനുമുണ്ടായിരുന്നെന്ന് ഓര്‍മ്മിപ്പിച്ച് സിപിഎം ജനറല്‍ സെക്രട്ടറി എം എ ബേബി. കേന്ദ്രസര്‍ക്കാരുമായുള്ള ചര്‍ച്ചയെത്തുടര്‍ന്ന് സമരം ഒത്തുതീര്‍പ്പായ സാഹചര്യത്തിലാണ് ബേബിയുടെ അവകാശവാദം. ജന്ദര്‍ മന്ദറില്‍ നടന്ന സമരം അവസാനിപ്പിക്കാന്‍ സംയുക്ത സമരസമിതിക്കിടയില്‍ കൂട്ടായ ധാരണയായിട്ടുണ്ടെന്നും ബേബി പറഞ്ഞു. ഒരു ഘട്ടം കഴിഞ്ഞപ്പോഴാണ് രാഹുല്‍ ഗാന്ധി സമരത്തില്‍ പങ്കുചേര്‍ന്നത്. രാഹുല്‍ ഗാന്ധി ജന്ദര്‍ മന്ദറിലെ സമരവേദി സന്ദര്‍ശിച്ചിട്ടില്ലെങ്കിലും, വൈകിയാണെങ്കിലും പ്രതിപക്ഷ നേതാവ് എന്ന നിലയില്‍ അദ്ദേഹം പങ്കെടുത്തതിനെ സ്വാഗതം ചെയ്യുന്നുവെന്നും ബേബി പറഞ്ഞു.
