ന്യൂദല്ഹി: ധര്മ്മേന്ദ്ര പ്രധാന് രാജിവച്ചതിനെ തുടര്ന്ന് കേന്ദ്രമന്ത്രി പ്രഹ്ലാദ് ജോഷിക്ക് വിദ്യാഭ്യാസ മന്ത്രാലയത്തിന്റെ അധിക ചുമതല നല്കി. നിലവില് കേന്ദ്ര ഭക്ഷ്യ-ഉപഭോക്തൃ കാര്യ മന്ത്രിയായ പ്രഹ്ലാദ് ജോഷിയുടെ നിയമനം രാഷ്ട്രപതിയുടെ ഓഫീസ് അംഗീകരിച്ച് വിജ്ഞാപനമിറക്കി.
കര്ണാടകയിലെ ധാര്വാഡ് നിയോജകമണ്ഡലത്തില് നിന്നുള്ള ലോക്സഭാംഗമാണ് പ്രഹ്ലാദ് ജോഷി. മുന് മോദി മന്ത്രിസഭയില് പാര്ലമെന്ററി കാര്യ, കല്ക്കരി, ഖനി മന്ത്രിയായും സേവനമനുഷ്ഠിച്ചിട്ടുണ്ട്.
മോദി സര്ക്കാര് എപ്പോഴും വിദ്യാര്ത്ഥികള്ക്കും യുവാക്കള്ക്കും ഒപ്പമാണ് നിലകൊണ്ടിട്ടുള്ളതെന്നും അവരുടെ ഭാവിയെ ബാധിക്കുന്ന ഏതെങ്കിലും ക്രമക്കേടുകള്ക്കോ അനീതിക്കോ എതിരെ കര്ശന നടപടി സ്വീകരിക്കാന് സര്ക്കാര് പ്രതിജ്ഞാബദ്ധമാണെന്നും പ്രഹ്ലാദ് ജോഷി കഴിഞ്ഞ ദിവസം പറഞ്ഞിരുന്നു.
വിദ്യാര്ത്ഥികളുടെ പ്രശ്നങ്ങളില് കേന്ദ്രസര്ക്കാര് യഥാര്ത്ഥ ഉത്കണ്ഠയും പ്രതികരണവും പ്രകടിപ്പിച്ചു. വിദ്യാഭ്യാസ സമ്പ്രദായം ശക്തിപ്പെടുത്തുന്നതിനും യുവാക്കളുടെ ഭാവി സുരക്ഷിതമാക്കുന്നതിനും വേണ്ട നടപടികള് സ്വീകരിക്കുകയും ചെയ്തുവെന്ന് അദ്ദേഹം ചൂണ്ടിക്കാട്ടി.
