കോഴിക്കോട്: സംസ്ഥാന പട്ടികജാതി വികസന വകുപ്പിന്റെ കീഴില് തിരുവനന്തപുരത്ത് മണ്ണന്തല അംബേദ്ക്കര് ഭവനില് പ്രവര്ത്തിക്കുന്ന ഇന്സ്റ്റിറ്റിയൂട്ട് ഫോര് സിവില് സര്വീസസ് എക്സാമിനേഷന് ട്രെയിനിംഗ് സൊസൈറ്റിയില് സൗജന്യ സിവില് സര്വീസ് പരീക്ഷാ പരിശീലനത്തിന് അപേക്ഷിക്കാം. പട്ടികജാതി പട്ടികവര്ഗ്ഗക്കാരായ 30 പേര്ക്കാണ് പ്രവേശനം.
പരമാവധി 9 സീറ്റുകളില് പട്ടികവര്ഗക്കാര്ക്ക് പ്രവേശനം ലഭിക്കും. ബിരുദമാണ് അടിസ്ഥാന യോഗ്യത. അവസാന വര്ഷ പരീക്ഷ എഴുതിയവര്ക്കും അപേക്ഷിക്കാം. പ്രായപരിധി 2016 ആഗസ്ത് ഒന്ന് അടിസ്ഥാനമാക്കി 20-36 വയസ്സ്. പ്രവേശന പരീക്ഷയും അഭിമുഖവുമുണ്ടാവും. സിവില് സര്വ്വീസ് പ്രിലിമിനറി പരീക്ഷാ സിലബസ് അടിസ്ഥാനമാക്കി നടത്തുന്ന പരീക്ഷയില് 100 മാര്ക്കിന്റെ ഒബ്ജക്ടീവ് മാതൃകയിലുളള പാര്ട്ട് എയും (90 മിനിട്ട്) 50 മാര്ക്കിന്റെ വിവരണാത്മക മാതൃകയിലുള്ള പാര്ട്ട് ബിയും (30 മിനുട്ട്) ഉണ്ടാവും. പാര്ട്ട് എക്ക് നെഗറ്റീവ് മാര്ക്ക് ബാധകം.
പട്ടികജാതി, വികസന വകുപ്പിന്റെ കീഴില് തിരുവനന്തപുരം, എറണാകുളം, പാലക്കാട്, കോഴിക്കോട് എന്നീ ജില്ലകളില് പ്രവര്ത്തിക്കുന്ന പ്രീ-എക്സാമിനേഷന് ട്രെയിനിംഗ് സെന്ററുകളില് വെച്ച് ജൂലൈ രണ്ടാംവാരം പ്രവേശന പരീക്ഷ നടത്തും. അപേക്ഷാ ഫോറത്തിന്റെ മാതൃക നേരിട്ടും ജില്ലാ പട്ടികജാതി വികസന ഓഫീസുകളിലും ംംം.ശരലെെേ.ീൃഴ മുഖേന ഓണ്ലൈനായും ലഭിക്കും. ജാതി, പ്രായം, വിദ്യാഭ്യാസ യോഗ്യത എന്നിവ തെളിയിക്കുന്ന സര്ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്പ്പുകള് സഹിതം പൂരിപ്പിച്ച അപേക്ഷാ ഫോറം പ്രിന്സിപ്പല്, ഇന്സ്റ്റിറ്റിയൂട്ട് ഫോര് സിവില് സര്വീസസ് എക്സാമിനേഷന് ട്രെയിനിംഗ് സൊസൈറ്റി, ഗ്രൗണ്ട് ഫ്ളോര്, അംബേദ്ക്കര് ഭവന്, ഗവ.പ്രസ്സിന് സമീപം, മണ്ണന്തല, തിരുവനന്തപുരം- 695015 എന്ന വിലാസത്തില് ജൂണ് 25 ന് മുമ്പായി ലഭിക്കേണ്ടതാണ്.
