ചെങ്ങന്നൂര്: ചട്ടം ലംഘിച്ച് പോലീസ് സേനയുടെ തലപ്പത്ത് മുഖ്യമന്ത്രി പിണറായി വിജയന് ഏകപക്ഷീയമായി നടത്തിയ അഴിച്ചുപണി മതതീവ്രവാദികളെ സഹായിക്കാനാണന്ന് പി.കെ. കൃഷ്ണദാസ് പറഞ്ഞു. ഇന്നലെ ചെങ്ങന്നൂരില് നിയുക്ത എംഎല്എ ഒ. രാജഗോപാലിന്റെ വിജയയാത്രയ്ക്ക് നല്കിയ സ്വീകരണ പരിപാടി ഉദ്ഘാടനം ചെയ്ത് സംസാരിരക്കുകയായിരുന്നു അദ്ദേഹം.
മത തീവ്രവാദികള്ക്ക് വേണ്ട സഹായം നല്കാന് അവരെ പ്രീണിപ്പിക്കുന്നതിനായാണ് ഇടതുപക്ഷം അധികാരത്തിവന്ന് മണിക്കൂറുകള്ക്കുള്ളില്തന്നെ സത്യസന്ധനും മതഭികരതവാദികള്ക്കെതിരെ ശക്തമായി പോരാടുന്ന പോലീസ് ഉദ്യോഗസ്ഥനെ മാറ്റിയത്. കഴിഞ്ഞ അഞ്ചുവര്ഷം തീവെട്ടിക്കൊള്ള നടത്തിക്കൊണ്ടിരുന്ന കോണ്ഗ്രസ്സിന് ഇടതുപക്ഷ സര്ക്കാരിന്റെ നിഷേധാത്മക നിലപാടുകള്ക്കെതിരെ വിരല് ചൂണ്ടാന് സാധിക്കാത്ത അവസ്ഥയാണ്.
ഒത്തുതീര്പ്പുരാഷ്ട്രീയം മാത്രമാണ് ഇനി അവര്ക്കുമുന്നിലുള്ളത്. അതുകൊണ്ട് കേരള നിയമസഭയിലെ പ്രധാന പ്രതിപക്ഷം എന്ഡിഎ ആയിരിക്കും.
യുഡിഎഫ് ചരിത്രത്തിന്റെ ഭാഗമായിമാത്രം ആകാന് പോവുകയാണ്. കോണ്ഗ്രസ്സിന്റെ അടിത്തറ തകര്ന്നിരിക്കുകയാണ്. തിരിച്ചടിയും തിരിച്ചുവരവും രാഷ്ട്രീയപാര്ട്ടികള്ക്ക് സ്വാഭാവികമാണങ്കിലും ഒരിക്കലും തിരിച്ചുവരാനാകാത്ത തിരിച്ചടിയാണ് കോണ്ഗ്രസ്സിന് ഉണ്ടായിരിക്കുന്നതെന്നും അദ്ദേഹം പറഞ്ഞു.
