പെരിന്തല്മണ്ണ: ഇന്നലെ വൈകുന്നേരം ആറ് മണിക്ക് പെരിന്തല്മണ്ണയിലെത്തിയ ഏതൊരാളും മൂക്കത്ത് വിരല് വെച്ചിട്ടുണ്ടാകും. അത്രക്കുണ്ടായിരുന്നു വാഹനങ്ങളുടെ നീണ്ടനിര. പതിവിന് വിപരീതമായി പെരിന്തല്മണ്ണ-ഊട്ടി റോഡിലാണ് ഇക്കുറി രൂക്ഷമായ ഗതാഗതക്കുരുക്ക് ഉണ്ടായത്.
ഏകദേശം ഒരു മണിക്കൂറോളം ഗതാഗതക്കുരുക്ക് അനുഭവപ്പെട്ടിട്ടും ട്രാഫിക് പോലീസ് ഈ ഭാഗത്തേക്ക് എത്തിനോക്കിയതു പോലുമില്ല.
പെരിന്തല്മണ്ണ ടൗണ് മുതല് മാനത്തുമംഗലം വരെയുള്ള മൂന്ന് കിലോമീറ്ററോളം വാഹനനിര പ്രത്യക്ഷപ്പെട്ടു. അവസാനം തിരക്ക് നിയന്ത്രണ വിധേയമാക്കാന് ഓട്ടോ െ്രെഡവര്മാരും വ്യാപാരികളും രംഗത്തിറങ്ങുകയായിരുന്നു. ഓരാടംപാലം മാനത്തുമംഗലം ബൈപ്പാസ് യാഥാര്ത്ഥ്യമായാല് ഒരുപരിധി വരെ തിരക്ക് കുറക്കാം എന്നാണ് നാട്ടുകാര് പറയുന്നത്.
