ചേര്ത്തല: കച്ചവടക്കാരന് മാത്രമായിരുന്ന താന് തോല്കാതിരിക്കാന് ശ്രമിച്ചപ്പോഴാണ് വളര്ന്നു മുതലാളിയും നേതാവും ആയി മാറിയതെന്ന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് പറഞ്ഞു. ചേര്ത്തല വണ്നെസ്സ് ചാരിറ്റബിള് ട്രസ്റ്റിന്റെ വിദ്യാഭ്യാസ പ്രവര്ത്തനങ്ങളുടെ ഉദ്ഘാടനം നിര്വ്വഹിച്ചു വിദ്യാര്ത്ഥികളും രക്ഷിതാക്കളുമായി സംവദിക്കുകയായിരുന്നു അദ്ദേഹം.
കഠിനാധ്വാനവും അര്പ്പണ മനോഭാവവും ഉണ്ടെങ്കില് മാത്രമേ ഏതു മേഖലയിലും വളരാനാകുകയുള്ളുവെന്നും അദ്ദേഹം പറഞ്ഞു. പലകൊടിവെച്ച കരാറുകാരും ഏറ്റെടുക്കാന് മടിച്ച ജോലികള് പോലും ഏറ്റെടുത്ത് അതിനു പിന്നില് കഠിനാധ്വാനം ചെയ്താണ് താന് ഇന്നത്തെ നിലയിലേക്കുവളര്ന്നതെന്നും വെള്ളാപ്പള്ളി നടേശന് പറഞ്ഞു.
പാവപെട്ടവന് അര്ഹമായ അവസരങ്ങള് ലഭിക്കാത്ത സാമൂഹ്യ നീതിനിഷേധം വിദ്യാഭ്യാസ മേഖലയില് ഇന്നും നിലനില്കുന്നതായും അദ്ദേഹം പറഞ്ഞു.
ട്രസ്റ്റ് പ്രസിഡന്റ് സി.എന്. ചന്ദ്രഗുപ്തന് അധ്യക്ഷനായി. ചേര്ത്തല മുനിസിപ്പല് ചെയര്മാന് ഐസക്ക് മാടവന മുഖ്യപ്രഭാഷണം നടത്തി. ഹാബിറ്റാറ്റ് ചെയര്മാന് ജി. ശങ്കര് പഠനോപകരണങ്ങല് വിതരണം ചെയ്തു. ഗാനരചയിതാവ് രാജീവ് ആലുങ്കല്, സി.പി. ചന്ദ്രശേഖരന്,പി.ഡി. ലക്കി, കെ.എസ്. ജയകുമാര് തുടങ്ങിയവര് പങ്കെടുത്തു
