പയ്യപ്പാടി: ആറാട്ടുചിറ കുടിവെള്ള പദ്ധതി പഞ്ചായത്ത് ഭരണ സമിതി അട്ടിമറിക്കുന്നു. ഇതുമൂലം ജനങ്ങള് കുടിവെള്ളം കിട്ടാതെ വലയുന്നു. ഭരണസമിതിയും പ്രതിപക്ഷവും മത്സര ബുദ്ധിയോടു കൂടി പദ്ധതി ഇല്ലായ്മ ചെയ്യാന് ശ്രമിക്കുന്നുവെന്നാണ് ജനങ്ങള് പറയുന്നത്.
പുതുപ്പള്ളി പഞ്ചായത്തിലെ 5-ാം വാര്ഡിലെ നിവാസികള് കനത്ത കുടിവെള്ള ക്ഷാമമാണ് നേരിടുന്നത്. നാട്ടുകാരുടെ ഭാഗത്തുനിന്നും എല്ലാ രീതിയിലും സഹകരണം ഉണ്ടായിട്ടും പഞ്ചായത്ത് ഭരണ സമിതി പദ്ധതിയുമായ് മുന്നോട്ട് പോകുന്നില്ല. പ്രദേശവാസികള് കനത്ത കുടിവെള്ള ക്ഷാമം നേരിടുംമ്പോഴും ഇതൊന്നും തങ്ങളുടെ അജണ്ടയില് ഉള്ളതല്ല എന്ന രീതിയിലാണ് ഭരണ സമിതിയുടെയും വാര്ഡ് മെമ്പറുടെയും സമീപനം. പ്രദേശ വാസികളും ബിജെപി പ്രവര്ത്തകരും പല തവണ നിവേദനം നല്കി എങ്കിലും സ്വീകരിക്കുക മാത്രമാണ് ചെയ്തിട്ടുള്ളത്. പ്രതിപക്ഷത്തിന്റെയും ഭരണ സമിതിയുടെയും മത്സരം മൂലം കഷ്ടപ്പെടുന്നത് ഒരു വിഭാഗം സാധാരണ ജനങ്ങളാണ്. ഈ കാര്യത്തിനു ഒരു തീരുമാനം ആകുന്നതു വരെ കടുത്ത പ്രതിഷേതങ്ങള്ആരംഭിക്കുമെന്ന് ബിജെപി വാര്ഡ് കമ്മിറ്റി അറിയിച്ചു.
