മാലിന്യവാഹിനിയായ മണ്ണഞ്ചേരിയിലെ അങ്ങാടിത്തോടും ഇടത്തോടും
മണ്ണഞ്ചേരി: നൂറു കണക്കിന് പേര് ആശ്രയിച്ചിരുന്ന മണ്ണന്ചേരിയുടെ പ്രതാപമായിരുന്ന അങ്ങാടിത്തോട് മാലിന്യ വാഹിനിയായി. മാലിന്യങ്ങള് കുന്നുകൂടി ദുര്ഗന്ധംവമിക്കുന്ന കറുത്തവെള്ളമാണ് ഇപ്പോള് തോട്ടിലുള്ളത്. മണ്ണന്ചേരിയിലെ ചെറുതോടുകളുടെയുംഅവസ്ഥ ഇതാണ്.പ്ലാസ്റ്റിക് മാലിന്യങ്ങളും മാംസാവശിഷ്ടങ്ങളും കുന്നു കൂടി തോടുകളുടെ ഒഴുക്കുനിലച്ച നിലയിലാണ്.
ഒരു കാലത്ത് മണ്ണന്ചേരി വള്ളക്കടവിലേക്ക് കൊപ്രായുംപലചരക്കു സാധനങ്ങളും വള്ളങ്ങളിലും മറ്റും എത്തിയിരുന്നത് ഈ അങ്ങാടി തോടിലൂടെയായിരുന്നു.വള്ളക്കടവ് പേരില് മാത്രമായത്തോടെ ഇത് വഴിയുള്ള ചരക്കു ഗതാഗതവും നിലച്ചു, ഇതോടെയാണ് പ്രൗഡിയില് നിന്നിരുന്ന തോടിന്റെ അവസ്ഥ പരിതാപകരമാകുന്നത്.
ഇപ്പോള് പുല്ലുമായി എത്തുന്ന വള്ളങ്ങള് മാത്രമാണ് ഈ തോട്ടിലൂടെ എത്തുന്നത്. വേമ്പനാട് കായലില് ചെന്നെത്തുന്ന തോട് പ്രദേശ വാസികളുടെ ഏറ്റവും വലിയ ജല സ്രോതസ്സയിരുന്നു.കുളിക്കാനും അലക്കാനും പ്രാര്ത്ഥനാലയങ്ങളില് അംഗ ശുദ്ദി ചെയ്യാനുമൊക്കെ ഈ തോട്ടിലെ വെള്ളമായിരുന്നു പതിറ്റാണ്ടുകളായി ജനങ്ങള് ഉപയോഗിച്ചിരുന്നത്.എന്നാല് ഇപ്പോള് തോടിന്റ്റെ സ്ഥിതി വളരെ ദയനീയമാണ്.
മാലിന്യങ്ങളുംമറ്റും നിക്ഷേപിക്കുന്ന കേന്ദ്രമായി അങ്ങാടി തോട് മാറിയിരിക്കുകയാണ്. കരിങ്കല്ലു കെട്ടി സംരക്ഷിക്കാത്തതിനാല് തോടിന്റ്റെ കരയുടെ പല ഭാഗവുംഇടിഞ്ഞ നിലയിലാണ്.
അധികൃതര് ഇനിയും തോടിന്റ്റെ ശോച്യാവസ്ഥക്കെതിരെ ഉണര്ന്നു പ്രവര്ത്തിച്ചില്ലെങ്കില് അങ്ങാടി തോടും വള്ളക്കടവ് പോലെ ചരിത്രമാകും. തോട് വൃത്തിയാക്കി,ആഴം കൂട്ടി പുനരുദ്ധരിച്ചാല് മാത്രമേ അങ്ങാടി തോടിനെ രക്ഷിക്കാനാകൂ.
അതു വഴി തോടിനെ ടൂറിസം മേഖലയ്ക്കും പ്രയോജനപ്പെടുത്താം. ഇതിനായി അധികാരികള് അടിയന്തിര ശ്രദ്ധ പതിപ്പിക്കണമെന്നാണ് ആവശ്യം ഉയരുന്നത്.
