കണ്ണൂര്: നിയമസഭാ തെരഞ്ഞെടുപ്പിന്റെ വോട്ടെണ്ണലിനും ഫലപ്രഖ്യാപനത്തിനുമായി ജില്ലയില് വിപുലമായ ഒരുക്കങ്ങള്. ജില്ലയിലെ 11 അസംബ്ലി മണ്ഡലങ്ങളിലെയും വോട്ടെണ്ണല് ചാല ചിന്മയ ഇന്സ്റ്റിറ്റിയൂട്ട് ഓഫ് ടെക്നോളജിയിലാണ്. തെരഞ്ഞെടുപ്പ് ഫലത്തിന്റെയും, ഫലസൂചനകളുടെയും ലിങ്കുകള് ഇലക്ഷന് 2016 കണ്ണൂര് പോര്ട്ടലില് (ംംം.സമിിൗൃ.ഴീ്.ശി) ലഭ്യമായിരിക്കും. ഇത് ഐഫോണ്/ആന്ഡ്രോയിഡ് മൊബൈല് ആപ്പിലും ലഭ്യമാണ്. ഇതിനായി “ഋഹലരശേീി 2016 സമിിൗൃ” എന്ന ആപ്ലിക്കേഷന് പ്ലേസ്റ്റോര്/ആപ് സ്റ്റോര് എന്നിവിടങ്ങളില് നിന്ന് ഡൗണ്ലോഡ് ചെയ്യാം. വോട്ടെണ്ണല് കേന്ദ്രങ്ങളില് നിന്നുളള ഏറ്റവും പുതിയ ഫലസൂചകങ്ങള് ഈ ലിങ്കില് നിന്ന് ലഭ്യമാണ്. ഇക്കഴിഞ്ഞ പാര്ലമെന്റ്, തദ്ദേശ സ്വയംഭരണ തെരഞ്ഞെടുപ്പില് വിജയകരമായി പ്രാവര്ത്തികമാക്കിയ വോട്ടെണ്ണലിനും ഫലപ്രഖ്യാപനത്തിനുമുളള വെബ്സൈറ്റ് വികസിപ്പിച്ചത് നാഷണല് ഇന്ഫര്മാറ്റിക്സ് സെന്ററാണ്. വോട്ടെണ്ണലിന്റെ ട്രെന്റ് അറിയാനുളള വെബ്സൈറ്റ് ൃേലിറ.സലൃമഹമ.ഴീ്.ശി എന്നതാണ്.
മാധ്യമങ്ങള്ക്ക് കൃത്യവും വേഗത്തിലുമുളള ഫലം ലഭ്യമാക്കുന്നതിനും വിപുലമായ സജ്ജീകരണങ്ങള് ഒരുക്കിയിട്ടുണ്ട്. ചിന്ടെക്ക് ക്യാമ്പസില് സജ്ജീകരിച്ച മീഡിയ സെന്ററില് ഒന്നിലധികം സ്ക്രീനുകളില് ഫലം പ്രദര്ശിപ്പിക്കും. സംസ്ഥാന, ജില്ലാ, നിയോജക മണ്ഡലം തിരിച്ചുളള പ്രവണതയും, ഫലങ്ങളും അറിയുവാനുളള സൗകര്യവും മീഡിയ സെന്ററില് ഒരുക്കിയിട്ടുണ്ട്. മാധ്യമ പ്രവര്ത്തകര്ക്ക് അവരുടെ ഓഫീസില് വെച്ച് തന്നെ ഫലസൂചകങ്ങള് നിരീക്ഷിക്കുന്നതിനുളള സൗകര്യങ്ങള് മുഖ്യ തെരഞ്ഞെടുപ്പ് ഓഫീസര് ഒരുക്കിയിട്ടുണ്ട്. ഇതിനായി തിരുവനന്തപുരത്തുളള മുഖ്യ തെരഞ്ഞെടുപ്പ് ഓഫീസര് “ഢജച അരരല”ൈ മുഖേന നല്കും. പൊതുജനങ്ങള്ക്ക് തെരഞ്ഞെടുപ്പ് ഫലപ്രഖ്യാപന വിവരങ്ങള് അറിയുന്നതിന് കലക്ടറേറ്റിലും സൗകര്യം ഒരുക്കിയിട്ടുണ്ട്. മണ്ഡലം തലം മുതല് സംസ്ഥാനത്തെ പൊതുവായ നിലവാരം വരെയുളള വിവരങ്ങള് അപ്പപ്പോള് ഇവിടെ ലഭ്യമാകും.
