ലണ്ടന്: എടിപി ലോക ടെന്നീസ് റാങ്കിങ്ങില് ബ്രിട്ടീഷ് താരം ആന്ഡി മുറേ രണ്ടാം സ്ഥാനത്തേക്ക് തിരിച്ചെത്തി. ഇറ്റാലിയന് ഓപ്പണില് ലോക ഒന്നാം നമ്പര് നൊവാക് ദ്യോക്കോവിച്ചിനെ പരാജയപ്പെടുത്തി കിരീടം ചൂടിയതോടെയാണ് മുറെ രണ്ടാം സ്ഥാനത്തേക്ക് തിരിച്ചെത്തിയത്. ഇതോടെ സ്വിസ് ഇതിഹാസം റോജര് ഫെഡറര് മൂന്നാമതായി.
നേരത്തേ മാഡ്രിഡ് മാസ്റ്റേഴ്സില് പരാജയപ്പെട്ടതോടെയാണ് ഫെഡ് എക്സ്പ്രസ് രണ്ടാം സ്ഥാനത്തേക്കുയര്ന്നത്. ഒന്നാം സ്ഥാനത്തിന് മാറ്റമില്ല. സെര്ബിയയുടെ നൊവാക് ദ്യോക്കോവിച്ച് തന്നെ.
സ്വിറ്റ്സര്ലന്ഡിന്റെ സ്റ്റാനിസ്ലാസ് വാവ്റിങ്ക നാലാമതും സ്പാനിഷ് താരം റാഫേല് നദാല് അഞ്ചാമതുമുണ്ട്. ജപ്പാന്റെ കി നിഷികോരി, ഫ്രാന്സിന്റെ ജോ വില്ഫ്രഡ് സോങ്ക, ചെക്ക് റിപ്പബ്ലിക്കിന്റെ തോമസ് ബെര്ഡിച്ച്, കാനഡയുടെ മിലോസ് റാവോനിക്ക്, ഫ്രാന്സിന്റെ റിച്ചാര്ഡ് ഗാസ്കറ്റ്സ് എന്നിവരാണ് ആദ്യ പത്ത് റാങ്കിലുള്ള മറ്റ് താരങ്ങള്.
