പുനലൂര്: കേരളത്തിലെ ജനങ്ങളുടെ പ്രതീക്ഷകള്ക്കൊത്ത് ഉയരാനാകാത്ത ഇടതുവലതുമുന്നണികള്ക്ക് എതിരെ വിധിയെഴുതണമെന്നും എന്ഡിഎയെ അധികാരത്തില് എത്തിക്കണമെന്നും കേന്ദ്രമന്ത്രി വി.കെ.സിങ്. പുനലൂരില് എന്ഡിഎ സ്ഥാനാര്ത്ഥി സിസില് ഫെര്ണാണ്ടസിന്റെ സ്വീകരണയോഗത്തില് സംസാരിക്കുകയായിരുന്നു കേന്ദ്രമന്ത്രി. കേരളത്തില് മാറ്റം അനിവാര്യമാണ്. ജനങ്ങള്ക്ക് വേണ്ടി പ്രവര്ത്തിക്കുന്ന ഭരണമാണ് ഇനി വേണ്ടത്. അതിന് എന്ഡിഎ വിജയിക്കണം. ജനങ്ങളുടെ ജീവല്പ്രശ്നങ്ങളിലല്ല മറിച്ച് അഴിമതിയിലും അക്രമത്തിലുമാണ് മുന്നണികളുടെ താല്പര്യമെന്നും അദ്ദേഹം കൂട്ടിച്ചേര്ത്തു. കേരളം ഇന്നുവരെ ഭരിച്ചത് ഇടതും വലതുമാണ്. എല്ഡിഎഫിനെ മടുക്കുമ്പോള് യുഡിഎഫിനെയും അവരെ മടുക്കുമ്പോള് തിരിച്ചും വിജയിപ്പിക്കുന്നു. വിജയമുറപ്പായതിനാല് രണ്ടുകൂട്ടരും ജനങ്ങളുടെ പ്രശ്നങ്ങള് പരിഹരിക്കാതെ അവരെ പറ്റിക്കുന്നു. ഇതിന് മറുപടി നല്കാനുള്ള സുവര്ണാവസരമാണ് എന്ഡിഎയിലൂടെ ജനങ്ങള്ക്ക് കൈവന്നിരിക്കുന്നത്. സമ്പത്തിന്റെയും അഭിവൃദ്ധിയുടെയും ദേവത താമരയിലാണ് വസിക്കുന്നത്. അതിനാല് ജനങ്ങളുടെ ക്ഷേമത്തിനും ഭാവിക്കുമായി എന്ഡിഎ മുന്നണിയെ അധികാരത്തില് എത്തിക്കണമെന്നും കേന്ദ്രമന്ത്രി കൂട്ടിച്ചേര്ത്തു.
എന്ഡിഎ മണ്ഡലം ചെയര്മാന് വിശ്വജിത്തിന്റെ അധ്യക്ഷതയില് കൂടിയ യോഗത്തില് ബിജെപി ജില്ലാ പ്രസിഡന്റ് ജി.ഗോപിനാഥ്, സ്ഥാനാര്തഥി സിസില് ഫെര്ണാണ്ടസ്, സംസ്ഥാന വൈസ് പ്രസിഡന്റ് ബി.രാധാമണി, ആയൂര് മുരളി, കെ.പി.ബാബു, ഏരൂര് സുനില്, വടമണ് ബിജു, ഉമേഷ്ബാബു, വി.ആര്. വിജയന്, ആലഞ്ചേരി ജയചന്ദ്രന്, ഇടമണ് റജി എന്നിവര് സംസാരിച്ചു.
