തൊടുപുഴ: കരിമണ്ണൂരില് വാഹനം പാര്ക്ക് ചെയ്തതിനെ ചൊല്ലിയുണ്ടായ തര്ക്കത്തില് ഒരാള്ക്ക് വെട്ടേറ്റു. മാമോദീസ ചടങ്ങില് പങ്കെടുക്കാനെത്തിയ ആറംഗസംഘത്തിലെ ഒരാളായ പൂഞ്ഞാര് കുളത്തിങ്കല് ജോസഫിനാണ് വെട്ടേറ്റത്. സംഭവത്തില് ഇവര് വാഹനം പാര്ക്ക് ചെയ്തിരുന്ന സ്ഥലം ഉടമ പന്നൂര് നടുവത്ത് ബാബു, ഭാര്യ സൂസി, മകന് അഗസ്റ്റിന് എന്നിവര്ക്കും പരിക്കേറ്റിട്ടുണ്ട്. ബുധനാഴ്ച്ച അര്ദ്ധരാത്രി കരിമണ്ണൂരിന് സമീപം പന്നൂരിലാണ് സംഭവം. ഇതേ തുടര്ന്ന് പോലീസ് ഇരു സംഘങ്ങള്ക്കുമെതിരെ കേസെടുത്തിട്ടുണ്ട്. സംഭവത്തെപ്പറ്റി പോലീസ് പറയുന്നതിങ്ങനെ: പന്നൂരിലെ മഠത്തിനാല് പോളിന്റെ വീട്ടില് മാമോദീസ ചടങ്ങിന് പങ്കെടുക്കാനെത്തിയവരാണ് ജോസഫ് അടങ്ങുന്ന ആറംഗ സംഘം. ഇവര് സമീപത്തെ വീടിന് മുന്നില് വാഹനം പാര്ക്ക് ചെയ്ത ശേഷമാണ് ചടങ്ങില് പങ്കെടുത്തത്. ഇതിന് ശേഷം ബുധനാഴ്ച്ച രാത്രി 11.30 ഓടെ മടങ്ങാനായി വാഹനത്തിനടുത്തെത്തിയ സംഘം ബഹളം വച്ചത് ചോദ്യം ചെയ്തതാണ് സംഘര്ഷത്തില് കലാശിച്ചത്. മദ്യലഹരിയിലായിരുന്നു ജോസഫ്, ജോസ്, തോമസ്, ജോയി എന്നിവരടങ്ങുന്ന പൂഞ്ഞാര് സ്വദേശികളായ ആറംഗസംഘം. ഇത് ചോദ്യം ചെയ്ത ബാബുവിനെ മര്ദ്ദിക്കുന്നത് കണ്ട് മകനും ഭാര്യയും ഓടിയെത്തിയിരുന്നു. ഇതിനിടയിലാണ് അഗസ്റ്റിന് വാക്കത്തികൊണ്ട് ജോസഫിന്റെ തലയ്ക്ക് വെട്ടുന്നത്. സംഭവത്തില് ഗുരുതരമാ
യി പരിക്കേറ്റ ജോസഫിനെ കോലഞ്ചേരി മെഡിക്കല് ആശുപത്രിയില് പ്രവേശിപ്പിച്ചിരിക്കുകയാണ്. സംഭവത്തെ തുടര്ന്ന് കൊലപാതക ശ്രമത്തിന് അഗസ്റ്റിനെതിരെ കേസെടുത്തിട്ടുണ്ട്. വീട് കയറി ആക്രമം നടത്തിയതിന് ജോസഫ് അടങ്ങുന്ന ആറംഗസംഘത്തിനെതിരെയും കേസുണ്ട്. ഇരുകക്ഷികളുടെയും മൊഴിയെടുത്താണ് കരിമണ്ണൂര് എസ്ഐ സോള്ജിമോന്റെ നേതൃത്വത്തിലുള്ള സംഘം കേസെടുത്തിരിക്കുന്നത്.
