കൊല്ലം: ജനറല് സെക്രട്ടറി ജി സുകുമാരന് നായര്ക്ക് നേരെ സാമ്പത്തിക, സ്വജനപക്ഷപാതമടക്കം ആരോപണങ്ങള് ഉന്നയിച്ച മുന് മന്ത്രി കെ ബി ഗണേഷ് കുമാറിനെ എന്എസ്എസില് നിന്ന് പുറത്താക്കണമെന്ന് കൊട്ടാരക്കര താലൂക്ക് കരയോഗം യൂണിയന്. ശക്തമായ നടപടി വേണമെന്നും കൊട്ടാരക്കര എന്എസ്എസ് താലൂക്ക് യൂണിയന് ആവശ്യപ്പെട്ടു. വിഷയം ചര്ച്ച ചെയ്യാന് ശനിയാഴ്ച യോഗം ചേരും.
എന് എസ് എസിനെയും ജനറല് സെക്രട്ടറിയെയും ആക്ഷേപിച്ചും അവഹേളിച്ചും സംസാരിക്കുന്ന ഗണേഷ് കുമാറിനെ കരയോഗത്തിന്റെ പ്രാഥമിക അംഗത്വത്തില് നിന്ന് പുറത്താക്കണമെന്നാണ് കൊട്ടാരക്കര യൂണിയന് ആവശ്യപ്പെട്ടിരിക്കുന്നത്.ഗണേഷിനെതിരെ കരയോഗ തലങ്ങളില് ശക്തമായ പ്രതിഷേധ പരിപാടികളുമായി മുന്നോട്ടുപോകും. ആഗസ്റ്റ് 15 ന് കൂടുന്ന യൂണിയന് പൊതുയോഗത്തില് വച്ച് ഇതുമായി ബന്ധപ്പെട്ട നിര്ണായക തീരുമാനങ്ങള് കൈക്കൊള്ളുമെന്നും താലൂക്ക് യൂണിയന് പ്രസിഡന്റ് ജി തങ്കപ്പന് പിള്ളയും സെക്രട്ടറി സി അനില്കുമാറും വാര്ത്താക്കുറിപ്പില് അറിയിച്ചു.
