കൊട്ടാരക്കര: അധ്യാപകപരിഷത്ത് സംസ്ഥാനസമിതി അംഗമായ എന്ഡിഎ സ്ഥാനാര്ത്ഥിയുടെ വിജയത്തിനായി അധ്യാപക കൂട്ടായ്മ രൂപീകരിച്ചു. കൊട്ടാരക്കരയിലെ സ്ഥാനാര്ത്ഥി രാജേശ്വരിരാജേന്ദ്രന്റെ വിജയത്തിനായി എല്ലാ പഞ്ചായത്തിലും അധ്യാപകരുടെ സമ്പര്ക്കബാച്ച് നിശ്ചയിച്ചു.
251 എയ്ഡഡ് സ്കൂള് അധ്യാപകര് അടങ്ങുന്ന സംഘം വിവിധ ബാച്ചുകളായി മണ്ഡലത്തിലെ മുഴുവന് അധ്യാപക കുടുംബങ്ങളെയും പ്രത്യേകം സമ്പര്ക്കം ചെയ്യും. മാറ്റത്തിനുള്ള സന്ദേശവാഹകരാന് പൊതുജനങ്ങളോടും ശിഷ്യരോടും അഭ്യര്ത്ഥിക്കും. എന്ടിയു കലാവേദിയുടെ നേതൃത്വത്തില് കലാജാഥകളും തെരുവ് നാടകങ്ങളും അവതരിപ്പിക്കും. ജില്ലാ കമ്മറ്റിയുടെ നേതൃത്വത്തിലാണ് സമ്പര്ക്കവും കലാജാഥയും. വികസനം കൊതിക്കുന്ന കേരളത്തിന് കൊട്ടാരക്കരയില് നിന്നൊരു എംഎല്എ എന്ന മുദ്രാവാക്യമുയര്ത്തിയാണ് കലാജാഥകള് സംഘടിപ്പിക്കുന്നതെന്ന് ജില്ലാസെക്രട്ടി പി.ആര്.ഗോപകുമാര് അറിയിച്ചു. കൊട്ടാരക്കരയില് നടന്ന ജില്ലാകമ്മറ്റിയോഗം സംസ്ഥാനസെക്രട്ടറി പി.വി.കലേശന് ഉദ്ഘാടനം ചെയ്തു. ജില്ലാപ്രസിഡന്റ് ആര്.ജയകൃഷ്ണന് അധ്യക്ഷനായിരുന്നു. എം.ജയപ്രകാശ്, പി.ആര്.ഗോപകുമാര് എന്നിവര് സംസാരിച്ചു.
