അദ്ധ്വാന വര്ഗ്ഗ സിദ്ധാന്തം അടിസ്ഥാനമാക്കി തൊഴിലാളി വര്ഗ്ഗത്തെ ഒരുമിപ്പിച്ചു സമ്പന്നര്ക്കെതിരെ അക്രമങ്ങള് നടത്തി അധികാരം പിടിച്ചെടുക്കുവാന് ശ്രമിച്ച കമ്മ്യൂണിസ്റ്റു രാഷ്ട്രീയ പ്രസ്ഥാനങ്ങള് സ്വതന്ത്ര ജനാധിപത്യത്തെ അംഗീകരിയ്ക്കുന്നതിനു പകരം കമ്മ്യൂണിസ്റ്റ് ഏകാധിപത്യം മാത്രമേ അംഗീകരിച്ചിട്ടുള്ളൂ എന്നതു ചരിത്രം പരിശോധിച്ചാല് മനസ്സിലാകും. ഇന്ത്യയില് ഹിന്ദു സമൂഹത്തില് ഭിന്നിപ്പുണ്ടാക്കി തൊഴിലാളി വര്ഗ്ഗത്തെ ആകര്ഷിച്ച് കമ്മ്യൂണിസ്റ്റു അധികാര ഭരണത്തിനു കമ്മ്യൂണിസ്റ്റു പാര്ട്ടി വളരെയധികം ശ്രമിച്ചെങ്കിലും വ്യക്തിസ്വാതന്ത്ര്യത്തിനു വളരെയധികം പ്രാധാന്യം കൊടുക്കുന്ന ഹിന്ദുസമൂഹം കമ്മ്യൂണിസ്റ്റ് ആശയങ്ങളെ തള്ളിക്കളഞ്ഞു.
കമ്മ്യൂണിസ്റ്റ് ആശയങ്ങള്ക്കും, കമ്മ്യൂണിസ്റ്റ് അധികാരത്തിനും എതിരായ അഭിപ്രായങ്ങളെ വളരെ ക്രൂരമായി അടിച്ചമര്ത്തുകയും, കമ്മ്യൂണിസത്തിനു വിരുദ്ധമായ അഭിപ്രായങ്ങള് ഉള്ള വ്യക്തികളെയും, പ്രസ്ഥാനങ്ങളെയും ഇല്ലായ്മ ചെയ്യുകയും,ഈശ്വര നിഷേധത്തിനു അനുകൂലമായി നില്ക്കുന്ന വളരെ പ്രാകൃത രീതികള് പിന്തുടരുന്ന കമ്മ്യൂണിസ്റ്റു പ്രസ്ഥാനങ്ങളെ ഭാരത ഭൂരിപക്ഷ ഹിന്ദു സമൂഹം അംഗീകരിയ്ക്കുകയില്ല എന്നതു കാലം വ്യക്തമായി തെളിയിച്ചു.കേരളത്തില് കമ്മ്യൂണിസ്റ്റ് പ്രസ്ഥാനം കര്ഷകരുടെയും,തൊഴിലാളികളുടെയും സംരക്ഷണം എന്ന ആശയം ഉയര്ത്തി ജനങ്ങളെ വ്യാമോഹിപ്പിച്ചു ജനാധിപത്യത്തില്ക്കൂടി ആദ്യമായി അധികാരത്തില് വന്നു എങ്കിലും കമ്മ്യൂണിസ്റ്റു ഭരണം കൊണ്ടു കര്ഷകര്ക്കും,തൊഴിലാളികള്ക്കും വളരെ കുറച്ചു ഫലങ്ങള് മാത്രമേ കേരളത്തില് ഉണ്ടായുള്ളൂ.
കേരളത്തില് കൃഷിയും,വ്യവസായങ്ങളും ക്രമേണ ഇല്ലാതായി കേരളത്തിലെ കര്ഷകരും, തൊഴിലാളികളും പരമ ദരിദ്രരായി എന്നതു മാത്രമാണു കമ്മ്യൂണിസ്റ്റു പാര്ട്ടിയുടെ ഭരണം കൊണ്ടുണ്ടായ നേട്ടം. കൃഷിയും,വ്യവസായങ്ങളും ഇല്ലാതായതോടെ കമ്മ്യൂണിസ്റ്റു പാര്ട്ടികള് ആശയ ദാരിദ്ര്യം കൊണ്ടു വലയുകയും, മറ്റു ഒരു മാര്ഗ്ഗവുമില്ലാതെ കോണ്ഗ്രസ്സു പാര്ട്ടിയുടെ വൃത്തികെട്ട ആശയങ്ങളായ ന്യൂനപക്ഷ പ്രീണനരാഷ്ട്രീയം മത്സരിച്ചു ഹിന്ദു ഭൂരിപക്ഷത്തെ അവഗണിയ്ക്കുകയും,അതേ സമയം കോണ്ഗ്രസ്സു പാര്ട്ടിയുമായി രഹസ്യ ഒത്തു തീര്പ്പുകളും നടത്തുന്നു! ഇന്ത്യയില് കമ്മ്യൂണിസ്റ്റു പാര്ട്ടികള് അഞ്ചു വര്ഷത്തിനകം തകര്ന്നടിയും എന്നതിനു സംശയമൊന്നുമില്ല.
ശ്രീകുമാര്
