ഇരിട്ടി: ഇരിട്ടിയില് എന്ഡിഎ സഖ്യത്തിന്റെ തെരഞ്ഞെടുപ്പ് കമ്മറ്റി ഓഫീസ് ബിജെപി ദേശീയ സമിതി അംഗം പി.കെ.വേലായുധന് ഉദ്ഘാടനം ചെയ്തു. കേരളത്തിലെ നിയമ സഭാതിരഞ്ഞെടുപ്പില് ഇടത് വലത് മുന്നണികള്ക്കു മുന്നില് വന് വെല്ലുവിളി ഉയര്ത്തിക്കൊണ്ട് ബിജെപിയും ബിഡിജെഎസും നയിക്കുന്ന മൂന്നാം മുന്നണി മുന്നോട്ടു നീങ്ങിക്കൊണ്ടിരിക്കുകയാണ്. ഇടത്തോട്ടും വലത്തോട്ടും നീങ്ങാതെ കേരളത്തിന്റെ സമഗ്ര വികസനം എന്ന ലക്ഷ്യം മാത്രം മുന്നിര്ത്തി മുന്നോട്ടു നീങ്ങുന്ന എന്ഡിഎ മുന്നണിക്ക് ഇന്ന് വിജയം കയ്യെത്താവുന്ന ദൂരത്താണെന്ന് ഓഫീസ് ഉദ്ഘാടനം ചെയ്ത് കൊണ്ട് വേലായുധന് പറഞ്ഞു. ഭാരതത്തിന്റെ ഏതു മൂലയിലായാലും വേദനിക്കുന്ന ജനതക്കൊപ്പം നില്ക്കുന്ന ഒരു ഭരണകൂടമാണ് ഇന്ന് ഇന്ത്യയിലുള്ളത്. ജനതയുടെ നിരവധിയായ പ്രശ്നങ്ങളില് ഇടപെട്ടുകൊണ്ട് പ്രധാനമന്ത്രി അത് തെളിയിച്ചിട്ടുണ്ട്. കഴിഞ്ഞ ദിവസം കേരളം നേരിട്ട ദുരന്തത്തില് അദ്ദേഹം നമുക്ക് കാട്ടിത്തന്നത് ഇതിന്റെ പ്രത്യക്ഷ ഉദാഹരണമാണെന്നും പി.കെ.വേലായുധന് പറഞ്ഞു.
കെ.വി.അജി അധ്യക്ഷത വഹിച്ചു. എന്ഡിഎ സ്ഥാനാര്ഥി പൈലി വാത്യാട്ട്, ബിജെപി, ബിഡിജെഎസ്, ജെഎസ്എസ് (രാജന് ബാബു) നേതാക്കളായ വി.വി.ചന്ദ്രന്, കൂട്ട ജയപ്രകാശ്, രാംദാസ് എടക്കാനം, എന്.വി.ഗിരീഷ്, സി.ബാബു, സജിത്ത് കീഴൂര്, മനോഹരന് വയോറ, പി.എന്. ബാബു മാസ്റ്റര്, എ.എന്. സുകുമാരന് മാസ്റ്റര്, കെ.കെ.സോമന്, ചന്ദ്രമതി ടീച്ചര്, നിര്മ്മലാ അനിരുദ്ധന്, കെ.പി.ദാസന് തുടങ്ങിയവര് പ്രസംഗിച്ചു. ബിജെപി പേരാവൂര് മണ്ഡലം സെക്രട്ടറി പി. കൃഷ്ണന് സ്വാഗതം പറഞ്ഞു. ഇരിട്ടി മാരാര്ജി മന്ദിരത്തിന്റെ താഴത്തെ നിലയിലാണ് ഓഫീസ് പ്രവര്ത്തിക്കുക.
പ്രതികരിക്കാൻ ഇവിടെ എഴുതുക: