ഇരിട്ടി: തിരഞ്ഞെടുപ്പിനോടനുബന്ധിച്ച് വ്യാപക അക്രമങ്ങള് അഴിച്ചു വിടാനുള്ള ശ്രമമാണ് സിപിഎം അണിയറയില് നടത്തിക്കൊണ്ടിരിക്കുന്നതെന്നു ബിജെപി പേരാവൂര് മണ്ഡലം കമ്മറ്റി ആരോപിച്ചു. ഇതിന്റെ തയ്യാറെടുപ്പിന്റെ ഭാഗമായാണ് കഴിഞ്ഞ ദിവസം പുന്നാട് മാമ്പുറത്ത് വെച്ച് ആയുധങ്ങള് മൂര്ച്ചകൂട്ടി വെക്കുന്നതിനിടെ സിപിഎം പ്രവര്ത്തകനെ പിടികൂടാനിടയായ സംഭവം തെളിയിക്കുന്നത്. സിപിഎം നേതാക്കള് നിയോഗിക്കുന്ന പ്രവര്ത്തകര് ആയുധങ്ങളുമായി വിവിധ പ്രദേശങ്ങളില് റോന്തുചുറ്റുകയാണ്. കഴിഞ്ഞ ദിവസം കാക്കയങ്ങാട് ബിജെപി പ്രവര്ത്തകന് അക്രമിക്കപ്പെട്ടതും ഇതിന്റെ ഭാഗമാണ്. ഇലക്ഷന് എത്തുന്നതോടെ ഇതര പാര്ട്ടി പ്രവര്ത്തകരെ ആക്രമിച്ചും ഭീഷണിപ്പെടുത്തിയും സിപിഎം മുന്കാലങ്ങളില് ചെയ്തതുപോലെ ജനങ്ങളില് ഭീതി സൃഷ്ടിക്കാനുള്ള ശ്രമമാണ് ഇതിനു പിന്നില്. നാട്ടില് സമാധാനം തകര്ക്കാന് ശ്രമിക്കുന്ന ഇത്തരം സിപിഎം ക്രിമിനല് സംഘങ്ങള്ക്കെതിരെ പോലീസ് കര്ശന നടപടി സ്വീകരിക്കണം. യോഗം ആവശ്യപ്പെട്ടു. യോഗത്തില് മണ്ഡലം പ്രസിഡന്റ് പി.കൃഷ്ണന് അദ്ധ്യക്ഷത വഹിച്ചു. നേതാക്കളായ സജിത്ത് കീഴൂര്, സി.ബാബു, രാമദാസ് എടക്കാനം, എം.ആര്.സുരേഷ്, എന്.വി.ഗിരീഷ് എന്നിവര് പ്രസംഗിച്ചു.
നാട്ടിലാകെ അക്രമം അഴിച്ചുവിടാന് സിപിഎം ശ്രമം: ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.