14 മണ്ഡലങ്ങള്‍ 2027 ബൂത്തുകള്‍ കൂടുതല്‍ ബുത്തുകള്‍ കുന്നത്തുനാട്ടില്‍

കൊച്ചി: ജില്ലയിലെ 14 നിയമസഭ മണ്ഡലങ്ങളിലായി വോട്ടര്‍മാരെ കാത്തിരിക്കുന്നത് 2027 ബൂത്തുകള്‍. ഏറ്റവും കൂടുതല്‍ ബൂത്തുകള്‍ കുന്നത്തുനാട് മണ്ഡലത്തിലാണ്. 171 ബൂത്തുകള്‍. പറവൂരാണ് രണ്ടാം സ്ഥാനത്ത് 162. മൂന്നാം സ്ഥാനത്തുള്ള പെരുമ്പാവൂര്‍ മണ്ഡലത്തില്‍ 154 ബൂത്തുകളാണ്. മറ്റ് മണ്ഡലങ്ങളായ അങ്കമാലി-144, ആലുവ-145, കളമശ്ശേരി-150, വൈപ്പിന്‍-138, കൊച്ചി-148, തൃപ്പൂണിത്തുറ-151, എറണാകുളം-122, തൃക്കാക്കര- 147, പിറവം-134, മൂവാറ്റുപുഴ-125, കോതമംഗലം -136. 1143 പോളിങ് കേന്ദ്രങ്ങളിലായാണ് 2027 ബൂത്തുകള്‍ ക്രമീകരിക്കുന്നത്. ഇവയില്‍ 626 ബൂത്തുകള്‍ നഗരപ്രദേശങ്ങളിലും 1401 ബൂത്തുകള്‍ ഗ്രാമപ്രദേശങ്ങളിലുമാണ്. ഏറ്റവും കൂടുതല്‍ മണ്ഡലങ്ങളുള്ള താലൂക്ക് കണയന്നൂരാണ്. തൃപ്പൂണിത്തുറ, എറണാകുളം, തൃക്കാക്കര എന്നിവയാണ് ഈ മണ്ഡലങ്ങള്‍. കോതമംഗലം ഒഴികെയുള്ള താലൂക്കുകളില്‍ രണ്ട് മണ്ഡലങ്ങള്‍ വീതമുണ്ട്. കോതമംഗലം തന്നെയാണ് കോതമംഗലം താലൂക്കിലെ ഏക മണ്ഡലം.