തൃപ്പൂണിത്തുറ: അഴിമതി പാടേ തുടച്ച് നീക്കാന് സാധ്യമല്ലെന്നും എന്നാല് അഴിമതി വിരുദ്ധ പോരാട്ടങ്ങളിലൂടെ ചെറുക്കാനും തോത് പരമാവധി കുറയ്ക്കാനുമുള്ള പോരാട്ടം നടത്തുമെന്ന് തൃപ്പൂണിത്തുറ നിയോജകമണ്ഡലം എന്ഡിഎ സ്ഥാനാര്ത്ഥി പ്രൊഫ.തുറവൂര് വിശ്വംഭരന്. ഭാരതത്തെ രക്ഷിക്കാനുള്ള മോഡിയുടെ ശ്രമങ്ങള്ക്ക് കരുത്ത് പകരാന് ബിജെപിയുടെ പരമാവധി ജനപ്രതിനിധികള് ഉണ്ടാവണം. കോടിക്കണക്കിന് രൂപയുടെ റോഡ് വികസനമാണ് കേന്ദ്രസര്ക്കാര് കേരളത്തില് നടപ്പാക്കിയത്. എന്നാല് ഇരുമുന്നണികളിലും ഉള്ള നുണയന്മാര് ഇത് സ്വന്തം അകൗണ്ടില് പെടുത്തുകയാണെന്ന് അദ്ദേഹം കുറ്റപ്പെടുത്തി.
തുറവൂര് വിശ്വംഭരന് കുമാരമംഗലം ക്ഷേത്രത്തിലും പരിസരങ്ങളിലും പര്യടനം നടത്തി. ക്രിക്കറ്റ് താരവും തിരുവനന്തപുരത്തെ ബിജെപി സ്ഥാനാര്ഥിയുമായ ശ്രീശാന്തിന്റെ സഹോദരിയുടെ വസതിയിലെത്തിയ വിശ്വംഭരനെ അമ്മയും സഹോദരിയും ചേര്ന്ന് സ്വീകരിച്ചു.
തൃപ്പൂണിത്തുറയിലെ ടോള് കൊള്ളയെ കുറിച്ച് നഗരവാസികള് സ്ഥാനാര്ത്ഥിയോട് പരാതി പറഞ്ഞു. നഗരപരിധിയില് മാത്രം 4 ടോളുകളാണുള്ളത്. ഈ അനീതിക്കെതിരെ നടപടി വേണമെന്ന് നാട്ടുകാര് ആവശ്യപ്പെട്ടു. റോഡ് വികസനം നടപ്പാക്കുന്നില്ലെന്നും വൈക്കം റോഡിന് ഇരുവശവും ഫ്രീസ് ചെയ്തിരിക്കുകയാണെന്നും നാട്ടുകാര് പരാതിപ്പെട്ടു.
കൗന്സിലര്മാരായ കെ. വി.ബൈജു, സീന സുരേഷ്, രജനി ചന്ദ്രന, രാജശ്രീ ചലിയത്ത്. സന്തോഷ് ചലിയത്ത്, അഭിലാഷ് നെല്ലിക്കല്, നവീന് കൃഷ്ണന്, ജയപ്രകാശ് കല്ലത്ത്, ബി ഡി ജെ എസ് നേതാക്കളായ കാര്ത്തികേയന്, ബിനോജ്, അടിയോടത്ത് പരമേശ്വരന്, അമ്പനാട്ട്, അനില് കുമാര്, ശ്രീരാജ് തമണ്ടില്, വിമല് ചെട്ടിപ്പറമ്പില്, ഉമാശങ്കര് പാലാപിള്ളില് എന്നിവരും പര്യടനത്തില് സ്ഥാനാര്ധിക്കൊപ്പം ഉണ്ടായിരുന്നു.
