ധാക്ക: ബംഗ്ലാദേശില് ഇസ്ലാമിക തീവവാദത്തെയും ഭീകരതയെയും എതിര്ത്ത ബ്ളോഗ് എഴുത്തുകാരനെ വെട്ടിയും വെടിവച്ചും കൊന്നു. മതേതരത്വത്തെ പ്രോല്സാഹിപ്പിച്ച നിസുമുദ്ദീന് സമദി(28)നെയാണ് ഭീകരര് വധിച്ചത്.ബുധനാഴ്ച രാത്രിയില് സുഹൃത്തിനൊപ്പം വീട്ടിലേക്ക് നടന്നു പോകുമ്പോള് ബൈക്കിലെത്തിയ സംഘം സമദിനെ ആക്രമിക്കുകയായിരുന്നു. സമദിനെ അവര് വെട്ടിവീഴ്ത്തിയശേഷം വെടിവയ്ക്കുകയായിരുന്നു.
കൊലയാളികള് അള്ളാഹു അക്ബര് എന്ന് വിളിച്ചിരുന്നതായി സത്രപൂര് പോലീസ് സ്റ്റേഷനിലെ ഇന് ചാര്ജ്ജ് തപന്കുമാര് സാഹ പറഞ്ഞു.
നിരീശ്വരവാദിയായ സമദ് ധാക്കയിലെ ജഗന്നാഥ് യൂണിവേഴ്സിറ്റിയിലെ നിയമ വിദ്യാര്ഥിയായിരുന്നു. സര്ക്കാരിന് അനുകൂലമായ ബംഗബന്ധു ജതീയ ജൂബ പരിഷത്ത് പ്രവര്ത്തകനായിരുന്നു. പ്രധാനമന്ത്രി ഷെയ്ഖ് ഹസീനയെ പിന്തുണച്ചയാളായിരുന്നു. കൊലയുടെ ഉത്തരവാദിത്തം ഒരു സംഘടനയും ഏറ്റെടുത്തിട്ടില്ല.
കൊലയാളികളെപ്പറ്റി ഒരു സൂചനയും ലഭിച്ചിട്ടുമില്ല. വടക്കു കിഴക്കന് നഗരമായ സില്ഹട്ടില് നിന്ന് അടുത്തിടെയാണ് സമദ് ധാക്കയില് എത്തിയത്. ഇയാള് ധാക്കിയില് എത്തിയതു മുതല് ഭീകരസംഘടനകള് സമദിനെ നിരീക്ഷിച്ചുവരികയായിരുന്നുവെന്നാണ് സൂചന. ഒന്നര വര്ഷത്തിനിടെ പത്തോളം മതേതര ബ്ളോഗ് എഴുത്തുകാരെയാണ് ഭീകരര് വധിച്ചത്.
ഇവരില് രണ്ടു വിദേശികളും ഉള്പ്പെടുന്നു.മതേതര, സ്വതന്ത്ര ചിന്തകരും ഇസഌമിക തീവ്രവാദത്തെയും ഭീകരതയേയും എതിര്ക്കുന്നവരുമാണ് കൊല്ലപ്പെട്ടവരില് ഏറെയും. ഹിന്ദു, ക്രിസ്ത്യന് മതവിഭാഗങ്ങളിലുള്ളവരും ഷിയാ മുസഌങ്ങളും ബംഗഌദേശില് നിരന്തരം ആക്രമിക്കപ്പെടുന്നുമുണ്ട്.
