മരട്: കഞ്ചാവ് കടത്തിക്കൊണ്ടുവന്ന് വില്പനയ്ക്കായി എത്തിച്ച ശേഷം പോലീസിനെ വെട്ടിച്ച് കടന്നു കളഞ്ഞ കൊലക്കേസ് പ്രതി അറസ്റ്റില്. മാവേലിക്കര സ്വദേശിയും കുപ്രസിദ്ധ ഗുണ്ടാ നേതാവുമായ ലിജോ ഉമ്മനെ മരട് പോലീസാണ് അറസ്റ്റ് ചെയ്തത്. 2015 ലാണ് കേസ്സിനാസ്പദമായ സംഭവം. 4.5 കിലോഗ്രാം കഞ്ചാവ് കാറില് കുണ്ടന്നൂരില് കാത്തു നിന്ന സജീര് എന്നയാള്ക്ക് വില്പനക്കായി എത്തിച്ചു കൊടുക്കുന്നുണ്ടെന്ന വിവരമറിഞ്ഞെത്തിയ പോലീസിനെ വെട്ടിച്ച് ലിജോ ഉമ്മന് കാറുമായി രക്ഷപ്പെടുകയായിരുന്നു. തുടര്ന്ന് ഒളിവില് കഴിഞ്ഞു വന്ന ലിജോയെ കേന്ദ്രീകരിച്ച് മരട് പോലീസ് സമഗ്രമായ അന്വേഷണം നടത്തി വരികയായിരുന്നു. ഇതിനിടയില് 2 കിഗ്രാം കഞ്ചാവുമായി ലിജോയെ 2016 ഫെബ്രുവരി മാസം കമ്പം നോര്ത്ത് പോലീസ് അറസ്റ്റ് ചെയ്യുകയും മധുര സെന്ട്രല് ജയിലിലുമായിരുന്നു. മരട് പോലീസ് മധുര സെന്ട്രല് ജയിലിലെത്തിയപ്പോള് ലിജോ ജാമ്യത്തില് പോയെന്നറിഞ്ഞു. തുടര്ന്ന് പ്രതിയുടെ മൊബൈല് ടവര് ലോക്കേഷനും മറ്റും കേന്ദ്രീകരിച്ച് നടത്തിയ അന്വേഷണത്തിലാണ് അറസ്റ്റ് ചെയ്തത്.
പ്രതി രണ്ടു കൊലക്കേസുകള് ഉള്പ്പെടെ 37 കേസ്സുകളില് പ്രതിയാണ്. മൂന്നു തവണ ഗുണ്ടാ ആക്ടില്പ്പെട്ട് ശിക്ഷ അനുഭവിച്ചിട്ടുണ്ട്. കൊച്ചി സിറ്റി പോലീസ് കമ്മീഷണര് ദിനേശിന്റെ നിര്ദ്ദേശാനുസരണം തൃക്കാക്കര എസിപി രാജേഷ്, സൗത്ത് സിഐ എന്നിവരുടെ മേല് നോട്ടത്തിലായിരുന്നു പ്രതിയെ അറസ്റ്റ് ചെയ്തത്. പ്രതിയെ അറസ്റ്റ് ചെയ്യാന് മരട് എസ്ഐ സുജാതന് പിള്ള, എഎസ്ഐ ദിനേശന്, സിജിഒ മാരായ വിനോദ് കൃഷ്ണന്, ഗിരീഷ് ബാബു എന്നിവരുമുണ്ടായിരുന്നു.
