1
മട്ടാഞ്ചേരി: ഫോര്ട്ടുകൊച്ചി-വൈപ്പിന് ജങ്കാര് സര്വ്വീസ് നിരക്ക് വര്ധിപ്പിക്കുന്നു. വേണ്ടത്ര സുരക്ഷയും മതിയായ സേവന സൗകര്യങ്ങളും ഒരുക്കാതെയാണ് ജങ്കാര് സര്വ്വീസ് നിരക്ക് വര്ധനവ് ഏര്പ്പെടുത്തുന്നത്. നിലവിലെ നിരക്കിനെ അടിസ്ഥാനമാക്കി 20 ശതമാനം വര്ധനവാണ് ഏര്പ്പെടുത്തുന്നത്. ഇന്ധന വില കുറഞ്ഞിട്ടും കുറഞ്ഞ യാത്ര ദൈര്ഘമായിട്ടും കുത്തനെയുള്ള നിരക്ക് വര്ധന ജനങ്ങള്ക്ക് മേലുള്ള കനത്ത പ്രഹരമായാണ് വിലയിരുത്തുന്നത്. കൊച്ചിന് കോര്പ്പറേഷന് കീഴിലുള്ള ജങ്കാര് സര്വ്വീസ് കൊച്ചിന് സര്വ്വീസ് നടത്തുന്നത് എന്ന സ്വകാര്യ സ്ഥാപനമാണ്.
കോര്പ്പറേഷന് ഭരണകക്ഷി വിഭാഗക്കാരുടെതാണ് സര്വ്വീസ് സ്ഥാപനം. രാവിലെ 6 മുതല് രാത്രി പത്ത് മണിവരെയുള്ള സമയത്താണ് ജങ്കാര് സര്വ്വീസ് നടത്തുന്നത്. സര്വ്വീസിന്റെ സമയ പട്ടികയോ വാഹന നിരക്കുകളോ പ്രദര്ശിപ്പിക്കാതെയാണ് ഏജന്സി പ്രവര്ത്തിക്കുന്നത്. ഇത് മൂലം ഏറെ തിരക്കുള്ള സമയങ്ങളില് സ്പെഷല് ട്രിപ്പ് എന്ന് പറഞ്ഞ് അധിക നിരക്ക് ഈടാക്കുന്നത് വ്യാപക പ്രതിഷേധത്തിനിടയാക്കാറുണ്ട്. കൂടാതെ എല്ലാ സമയത്തും രണ്ട് ജങ്കാറുകള് സര്വ്വീസ് നടത്തണമെന്ന കരാര് നിബന്ധന പലപ്പോഴും ലംഘിക്കപ്പെട്ടുകയും ചെയ്യുന്നു. വാഹന കടത്ത് നിരക്ക് കൂടാതെ വാഹനത്തിലിരിക്കുന്ന യാത്രക്കാരുടെ കടത്ത് നിരക്കും ചില ഘട്ടങ്ങളില് ഏജന്സി ജീവനക്കാര് ആവശ്യപ്പെട്ടുന്നുണ്ട്. ജങ്കാര് സര്വ്വീസ് സ്വകാര്യ മേഖല ഏജന്സി ഏറ്റെടുത്ത ശേഷം ഒന്നര പതിറ്റാണ്ടിനിടെ വന്നിരക്ക് വര്ധനവാണ് നടത്തിയിരിക്കുന്നത്. രാഷ്ട്രീയ പിന്ബലവും പ്രതിപക്ഷത്തിന്റെ ഒത്താശയും ഒത്തുകൂടിയപ്പോള് കോര്പ്പറേഷന് ജനങ്ങള്ക്ക് മേല് കനത്ത സാമ്പത്തിക ഭാരം ഏര്പ്പെടുത്തിയിരിക്കുകയാണ്. നിരക്ക് വര്ധിപ്പിക്കുന്നതെന്ന് സാമൂഹ്യ സംഘടനകളും റെസിഡന്റസ് അസോസിയേഷനുകളും ചൂണ്ടിക്കാട്ടുന്നു. തെരഞ്ഞെടുപ്പ് കാലത്ത് നടത്തിയ നിരക്ക് വര്ധനയ്ക്കെതിരെ നഗരസഭ ഭരണപ്രതിപക്ഷ രാഷ്ട്രിയ കക്ഷികള് മൗനം അവലംബിക്കുന്നതിനെ ജനങ്ങള് സംശയത്തോടെയാണ് വിലയിരുത്തുന്നത്. ജങ്കാര് സര്വ്വീസ് നിരക്ക് വര്ധനയ്ക്കെതിരെ ഇരുകരകളിലുമുള്ള ജനകീയ സംഘടനകള് സമരവുമായി രംഗത്തിറങ്ങുകയാണ്
