ന്യൂദല്ഹി: 2015 ജൂലൈ ഒന്നു വരെയുള്ള കണക്കനുസരിച്ച് കരസേനയില് 9106 ഓഫീസര്മാരുടെ കുറവുണ്ട.് ആകെ 49631 ഓഫീസര്മാര് ആകാവുന്ന സ്ഥാനത്ത് നിലവില് 40522 ഓഫീസര്മാരേ സേനയില് ഉള്ളൂ. ആര്മി മെഡിക്കല് കോര്്, ആര്മി ഡെന്റല് കോര്്, മിലിട്ടറി നഴ്സിങ് സര്വീസ് എന്നിവയിലെ ഓഫീസര്മാരെ പരിഗണിക്കാതെയുള്ള കണക്കാണിത്. രാജ്യരക്ഷാമന്ത്രി മനോഹര് പരീക്കര് രാജ്യസഭയില് രേഖാമൂലം വ്യക്തമാക്കിയതാണിത്.
കടുപ്പമേറിയ തെരഞ്ഞെടുപ്പ് നടപടിക്രമങ്ങള്, പ്രയാസം നിറഞ്ഞ ജോലി സാഹചര്യങ്ങള്, ഉയര്ന്ന അപകടസാധ്യത എന്നിവകാരണം ഉദ്യോഗാര്ത്ഥികളുടെ എണ്ണത്തിലുള്ള കുറവ്, പരിശീലനത്തിന്റെ ഗുണനിലവാരത്തെ ബാധിക്കുമെന്നതിനാല് കൂടുതല് ഓഫീസര്മാരെ തിരഞ്ഞെടുക്കാന് സാധിക്കാത്തത് എന്നിവയെല്ലാം ഓഫീസര്മാരുടെ എണ്ണം കുറയാന് കാരണമായിട്ടുണ്ട്.
ഷോര്ട്ട് സര്വീസ് കമ്മീഷന് കൂടുതല് ആകര്ഷകമാക്കല്, കേണല്(ടൈം സ്കെയില്) റാങ്ക് പുതുതായി കൊണ്ടുവരല്, സ്ഥാനക്കയറ്റത്തിനുള്ള സാധ്യതകള് വര്ദ്ധിപ്പിക്കല്, കുടുംബത്തെ കൂടെ താമസിക്കാന് അനുവദിക്കല് എന്നിവ വഴി കൂടുതല് ഓഫീസര്മാരെ സേനയിലേയ്ക്കാകര്ഷിക്കാനുള്ള ശ്രമങ്ങള് നടക്കുന്നുണ്ട്. ഇതിനുപുറമെ കരസേന ബോധവത്കരണ ക്യാമ്പുകളും കരിയര്മേളകളും പ്രദര്ശനങ്ങളും സംഘടിപ്പിക്കുന്നുണ്ട്. പത്ര, ഇലക്ട്രോണിക് മാധ്യമങ്ങള് വഴി പരസ്യവും നല്കുന്നു. ഈ നടപടികളെത്തുടര്ന്നാണ് 2010 ല് കരസേനയില് ഓഫീസര്മാരുടെ കുറവ് 26% ആയിരുന്നത് 2015 ല് 18% ആക്കി കുറക്കാനായത്.
