തിരൂര്: കാമ്പസിനുള്ളില് അതിക്രമിച്ച് കയറി ഡിവൈഎഫ്ക്കാര് നടത്തിയ അക്രമത്തില് എബിവിപി പ്രവര്ത്തകന് ഗുരുതര പരിക്ക്. താനൂര് ഗവ.കോളേജിലാണ് സംഭവം. ഡിവൈഎഫ്ഐക്കാരെ വിരട്ടിയോടിക്കാന് പോലീസ് ലാത്തി വീശിയതോടെ കാമ്പസ് യുദ്ധക്കളമായി മാറി.
കോളേജിലെ വിദ്യാര്ത്ഥിയും എബിവിപി ജില്ലാ കണ്വീനറുമായ തോട്ടുവരമ്പത്ത് അഭിലാഷിനാണ് പരിക്കേറ്റത്. തലക്ക് സാരമായി പരിക്കേറ്റ അഭിലാഷ് തിരൂര് ജില്ലാ ആശുപത്രിയില് ചികിത്സയിലാണ്.
അഭിലാഷിന്റെ സ്വദേശമായ മൂക്കോലയിലെ ക്ഷേത്രോത്സവം അലങ്കോലമാക്കാന് ശ്രമിച്ച ഡിവൈഎഫ്ഐ പ്രവര്ത്തകരെ നാട്ടുകാര് കൈകാര്യം ചെയ്തിരുന്നു. ഇതിന്റെ പ്രതികാരമായാണ് ഇന്നലെ കോളേജിലെത്തി ഡിവൈഎഫ്ഐക്കാര് അഭിലാഷിനെ മര്ദ്ദിച്ചത്. എബിവിപി പ്രവര്ത്തനം ഇവിടെ അനുവദിക്കില്ലടായെന്ന ആക്രോശത്തോടെയായിരുന്നു മര്ദ്ദനം. കൂടുതല് ഡിവൈഎഫ്ഐക്കാര് കാമ്പസിലേക്ക് പ്രവേശിക്കാന് ശ്രമിച്ചപ്പോള് സ്ഥലത്തെത്തിയ പോലീസ് ലാത്തിച്ചാര്ജ്ജ് നടത്തി. സംഭവത്തില് താനൂര് പോലീസ് കേസെടുത്ത് അന്വേഷണം ആരംഭിച്ചു.
