തൃപ്പൂണിത്തുറ: ശ്രീപൂര്ണ്ണത്രയീശന്റെ ഉത്രം തിരുനാള് സദ്യയില് പതിനായിരങ്ങള് പങ്കെടുക്കും. രാവിലെ വിശേഷാല് പൂജകള്ക്ക് ശേഷം പുലിയന്നൂര് തന്ത്രികുടുംബത്തിലെ താന്ത്രിക അവകാശികളുടെ നേതൃത്വത്തില് പ്രധാന ചടങ്ങായ തിരുഅഞ്ജനചാര്ത്ത് നടക്കും. ഭക്തജനങ്ങള്ക്ക് ഈ ചടങ്ങ് ദര്ശിക്കാനാവില്ല. രാവിലെ ഒമ്പതിന് ആരംഭിക്കുന്ന തിരുനാള് സദ്യയില് പതിനായിരക്കണക്കിന് ഭക്തജനങ്ങള് പങ്കെടുക്കും.
വൈകുന്നേരം ശ്രീപൂര്ണ്ണത്രയീശന്റെ സഹോദരീ സ്ഥാനത്തുള്ള പിഷാരിഭഗവതിയുടെ ഉത്സവത്തിനു സമാപനം കുറിച്ചുകൊണ്ടുള്ള ആറാട്ട് ശ്രീപൂര്ണ്ണത്രയീശ ക്ഷേത്രസന്നിധിയിലെ അര്ജുന തീര്ത്ഥകുളത്തില് നടക്കും. തുടര്ന്ന് വിശേഷാല് പൂജകള്ക്ക് ശേഷം കൂട്ടപ്പനിവേദ്യം നടക്കും. പ്രധാനചടങ്ങായ ലക്ഷ്മിനാരായണ വിളക്ക് ദര്ശിക്കാന് നാനാഭാഗത്ത് നിന്നുനിരവധി ഭക്തജനങ്ങള് പങ്കെടുക്കും. രാവിലെ മുതല് ഭക്തജനതിരക്ക് നിയന്ത്രിക്കാന് എല്ലാ സുരക്ഷാ സജീകരണങ്ങളും തയ്യാറായികഴിഞ്ഞുവെന്ന് തൃപ്പൂണിത്തുറ പോലീസ് പറഞ്ഞു.
ഭക്തജനങ്ങള്ക്ക് വേണ്ടസഹായങ്ങളും കുടിവെള്ളം എത്തിക്കാനും നിരവധി വാളന്ന്റിയര്മാര് തയ്യാറാണെന്ന് സേവാസംഘം പ്രസിഡന്റ് ജയന് മാങ്കായില് പറഞ്ഞു.
