മട്ടന്നൂര്: കണ്ണൂര് വിമാനത്താവളത്തിലെ വിവിധ ഒഴിവുകളിലേക്കുള്ള നിയമനം ഇടത്-വലത് മുന്നണികള് കൈപ്പിടിയിലൊതുക്കാന് ശ്രമിക്കുന്നു. കഴിഞ്ഞ ദിവസം കിയാല് വെബ് സൈറ്റില് വിവിധ ഒഴിവുകളിലേക്ക് അപേക്ഷ ക്ഷണിച്ചുകൊണ്ടുള്ള പരസ്യം പ്രസിദ്ധീകരിച്ചിരുന്നു. ടെക്നിക്കല്, നോണ് ടെക്നിക്കല്, സ്കില്ഡ്, അണ്സ്കില്ഡ് വിഭാഗങ്ങളിലായി 120 ഓളം തസ്തികകളിലേക്കാണ് അപേക്ഷ ക്ഷണിച്ചത്. മാധ്യമങ്ങളിലൂടെ പരസ്യം ചെയ്ത് സുതാര്യമായി നിയമനം നടത്തണമെന്നാണ് വ്യവസ്ഥയെങ്കിലും ഒരു പ്രമുഖ പത്രത്തില് ആരാലും ശ്രദ്ദിക്കപ്പെടാത്ത തരത്തില് രണ്ടുകോളം പരസ്യം നല്കിയതില് തന്നെ തട്ടിപ്പ് വ്യക്തമാണ്. കണ്ണൂര് എയര്പോര്ട്ടിന്റെ വെബ് സൈറ്റിലാണ് മാര്ച്ച് 3 വരെ അപേക്ഷ നല്കേണ്ടത്. എന്നാല് ഈ വെബ് സൈറ്റില് കഴിഞ്ഞ ദിവസം വരെ ഇതിനുളള ഓപ്ഷന് ലഭിച്ചിട്ടില്ലെന്നാണ് ഉദ്യോഗാര്ത്ഥികള് പറയുന്നത്. വിമാനത്താവളത്തിന്റെ ചുമതലയുള്ള മന്ത്രിയും അതുപോലെ ചില ലീഗ് നേതാക്കളും അധികാരമുപയോഗിച്ചും സിപിഎം ഭീഷണിപ്പെടുത്തിയും സീറ്റുകള് കൈക്കാലാക്കാന് ശ്രമിക്കുന്നുണ്ട്. വന് തുകകള് ജോലി വാഗ്ദാനം ചെയ്ത് മലബാറിലെ പലരില് നിന്നും ഭരണകക്ഷിയില്പ്പെട്ടവരും മറ്റും വാങ്ങിച്ചെടുത്തതായും ആരോപണമുയര്ന്നിട്ടുണ്ട്. സംസ്ഥാന സര്ക്കാറിന്റെ പൂര്ണ നിയന്ത്രണത്തിലാണ് വിമാനത്താവള കമ്പനി. അതുകൊണ്ടു തന്നെ ഇവിടത്തെ നിയമനങ്ങള് തികച്ചും സുതൂര്യവും നിയമാനുസൃതവും ആകേണ്ടതാണ്. ഉത്തരവാദപ്പെട്ട ഏജന്സികള് മുഖാന്തിരമാണ് നിയമനം നടത്തേണ്ടത്. ഇന്നാല് ഇതിന് വിരുദ്ദമായി കിയാല് വെബ് സൈറ്റില് അപേക്ഷ നല്കാനായി പരസ്യം ചെയ്തത് പരസ്യമായ തട്ടിപ്പാണ്. പരസ്യത്തിന്റെ ചുവടു പിടിച്ച് ചില ലീഗ് നേതാക്കള് കീഴ്ഘടകങ്ങള്ക്ക് കത്തയച്ചതും വിവാദമായിട്ടുണ്ട്. തെരഞ്ഞെടുപ്പിന് മുമ്പേ പരമാവധി നിയമനം നടത്താനാണ് ഭരണകക്ഷിയുടെ നീക്കം. കിയാല് അധികൃതരെയും ഗവണ്മെന്റിനെയും ഭീഷണിപ്പെടുത്തി കിട്ടാവുന്നത്ര വാങ്ങിയെടുക്കാനുള്ള നീക്കമാണ് സിപിഎം നടത്തുന്നത്.
കണ്ണൂര് വിമാനത്താവളം: വിവിധ ഒഴിവുകള് ഇടത് വലത് മുന്നണികള് കൈക്കലാക്കാന് ശ്രമിക്കുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.