കണ്ണൂര്: നിയമസഭാ തെരഞ്ഞെടുപ്പില് തളിപ്പറമ്പ് മണ്ഡലത്തിലെ പരാജയത്തില് നേതാക്കളെ വിമര്ശിച്ചവര്ക്കെതിരെ സിപിഎം നടപടി.കീഴാറ്റൂര് ബ്രാഞ്ച് സെക്രട്ടറി കെ.പി.പ്രകാശന്, കൂവേരി ലോക്കല് കമ്മിറ്റി അംഗം ഷൈജു ചാലപ്പുറത്ത് എന്നിവര്ക്കെതിരെയാണ് നടപടി എടുത്തത്.
പ്രകാശനെ ബ്രാഞ്ച് സെക്രട്ടറി സ്ഥാനത്തുനിന്നും നീക്കി.ഷൈജുവിനെ ലോക്കല് കമ്മിറ്റി അംഗത്വത്തില് നിന്നും പുറത്താക്കി. തളിപ്പറമ്പിലെ തെരഞ്ഞെടുപ്പ് പരാജയവുമായി ബന്ധപ്പെട്ട് സിപിഎം സംസ്ഥാന സെക്രട്ടറി എം.വി.ഗോവിന്ദന്, ജയിംസ് മാത്യു എന്നിവരെ വിമര്ശിച്ച് കെ.പി. പ്രകാശന് ഫേസ്ബുക്കില് കമന്റ് ഇട്ടിരുന്നു.
പാര്ട്ടിയുടെ അന്വേഷണത്തില് ഇവര് തെറ്റുകാരാണെന്ന് കണ്ടെത്തി.രണ്ട് പേരും പാര്ട്ടി അച്ചടക്കം ലംഘിച്ചു.ഇതാണ് നടപടി സ്വീകരിക്കാന് കാരണമെന്നും സിപിഎം ജില്ലാ നേതൃത്വം വ്യക്തമാക്കി.
