കൊച്ചി: ദേശദ്രോഹികളെ വിശുദ്ധരാക്കി വെള്ളപൂശുന്ന രാജ്യദ്രോഹനടപടികള്ക്കെതിരെ എബിവിപി എറണാകുളം മഹാനഗര് സമിതിയുടെ നേതൃത്വത്തില് ദേശീയപതാകയേന്തി പ്രതിഷേധപ്രകടനം സംഘടിപ്പിച്ചു. എറണാകുളം ഗാന്ധിസ്ക്വയറില് നടന്ന പരിപാടിയില് എബിവിപി സംസ്ഥാന സമിതി അംഗം വിഷ്ണു ശര്മ്മ, ജില്ലാ കണ്വീനര് ഹരിഗോവിന്ദ് സായി, ജില്ലാ ജോയിന്റ് കണ്വീനര് എസ്. രാകേഷ്, ജില്ലാ വിദ്യാര്ത്ഥിനി പ്രമുഖ് ഭാഗ്യ ഉണ്ണികൃഷ്ണന് എന്നിവര് പ്രസംഗിച്ചു.
ഭാരതത്തിലെ ഉന്നത നിലവാരം പുലര്ത്തുന്ന ഒരു കാമ്പസില്നിന്നും സ്വന്തം രാജ്യം തകരുംവരെ സമരം ചെയ്യുമെന്നുള്ള മുദ്രാവാക്യംവിളികള് സമൂഹത്തില് ഭയവും വേദനയും ജനിപ്പിക്കുന്നുവെന്നും ഇത്തരം രാജ്യദ്രോഹപ്രവര്ത്തനങ്ങളെയും പാക് അനുകൂല മുദ്രാവാക്യങ്ങളെയും മത-രാഷ്ട്രീയഭേദമെന്യേ എതിര്ക്കാന് ഇടതുപക്ഷവും കോണ്ഗ്രസും തയ്യാറാവണമെന്നും വിദ്യാര്ത്ഥികള് ആവശ്യപ്പെട്ടു.
തീവ്രവാദികള്ക്കും ദേശദ്രോഹികള്ക്കും ഐക്യദാര്ഢ്യം പ്രഖ്യാപിക്കുന്ന യുവതലമുറയുടെ അത്യന്തം വികലമായ പ്രവണതയെ നഗര് സമിതി അംഗങ്ങളായ വിഘ്നേഷ്, ജയകൃഷ്ണന്, സഞ്ജയ് കെ.പി, ശരത് എം.എസ്, ശ്രീരാം. എം, അരുണ് പ്രകാശ് തുടങ്ങിയവര് അപലപിച്ചു.
