ന്യൂദല്ഹി: സിപിഎം ജനറല് സെക്രട്ടറി സീതാറാം യെച്ചൂരിക്ക് ഭീഷണി. ആം ആദ്മി സേനയുടെ പേരില്, സി.പി.എം ആസ്ഥാനമായ എ.കെ.ജി ഭവനിലേക്ക് ഞായറാഴ്ച രാത്രിയാണ് ഭീഷണി സന്ദേശം എത്തിയത്.
സന്ദേശത്തെ കുറിച്ച് പൊലീസ് അന്വേഷണം ആരംഭിച്ചു. സിപിഎം കേന്ദ്ര ആസ്ഥാനമായ എകെജി ഭവനില് ഫോണ് വിളിച്ചാണ് ഇവര് ഭീഷണി മുഴക്കിയത്. ജെഎന്യുവില് നടന്ന സംഭവങ്ങളുമായി ബന്ധപ്പെട്ട് യെച്ചൂരി സ്വീകരിച്ച നിലപാടാണ് ഭീഷണിക്ക് കാരണമെന്ന് കരുതുന്നു.
സിപിഎം കേന്ദ്ര ആസ്ഥാനമായ എകെജി ഭവനു നേരെ ഞായറാഴ്ച ആക്രമണമുണ്ടായിരുന്നു. ഓഫീസിനു നേരെ കല്ലെറിഞ്ഞ ഇവര് ബോര്ഡില് കരിഓയില് കൊണ്ട് ഭാരതത്തിലെ പാക്കിസ്ഥാനി ഓഫീസ് എന്നെഴുതി വച്ചു. ആം ആദ്മി സേന എന്നെഴുതിയ തൊപ്പി ധരിച്ചെത്തിയ സംഘമാണ് ആക്രമണം നടത്തിയത്.
നേതാക്കളും ജീവനക്കാരും ഇടപെട്ടതോടെ നാലംഗ സംഘത്തിലെ ഒരാളെ പിടികൂടി പോലീസിനു കൈമാറിയിരുന്നു.
പ്രതികരിക്കാൻ ഇവിടെ എഴുതുക: