പറവൂര് : എറണാകുളം സെന്റ് അല് ബര്ട്ട്സ് കോളേജ് കൈവശം വച്ചിരിക്കുന്ന 4.6 ഏക്കര് സര്ക്കാര് ഭൂമിയുടെ പാട്ടക്കുടിശിക 1.81 കോടി രൂപ സര്ക്കാര് എഴുതി തള്ളാനുള്ള തീരുമാനം ന്യൂനപക്ഷ പ്രീണന രാഷ്ട്രീയത്തിന്റെ ഏറ്റവും അവസാനത്തെ ഉദാഹരണമാണെന്ന് ഹിന്ദു ഐക്യവേദി ജില്ലാ ജനറല് സെക്രട്ടറി കെ.ആര്.രമേഷ് കുമാര് ആരോപിച്ചു .
26 ന് പറവൂരില് നടക്കുന്ന പറവൂര് ഹിന്ദുമഹാസംഗമം 2016ന്റെ പരിപാടികള് വിശദീകരിക്കാന് വിളിച്ചു ചേര്ത്ത വാര്ത്താ സമ്മേളനത്തില് സംസാരിക്കുകയായിരുന്നു അദ്ധേഹം. സംഘടിത മതവിഭാഗങ്ങളുടെ വോട്ട് ബാങ്ക് ലക്ഷ്യം വച്ച് ന്യൂനപക്ഷ പ്രീണനം നടത്തുന്ന ഇടത്വലത് രാഷ്ട്രീയ മുന്നണികളുടെ മതേതര കാപട്യം ഈ സമ്മേളനത്തില് തുറന്ന് കാണിക്കുമെന്ന് ഭാരവാഹികള് പറഞ്ഞു.
വൈകീട്ട് 4ന് നഗരം ചുറ്റി മഹാഘോഷയാത്ര നടക്കും. പഞ്ചവാദ്യം, തെയ്യം, കാവടി, നിശ്ചല ദൃശ്യങ്ങള്, വിവിധ കലാരൂപങ്ങള് എന്നിവ ഘോഷയാത്രയില് അണിനിരക്കും. ലഫ്.കേണല് നിരഞ്ജന് നഗര് എന്ന് പേരിട്ടിരിക്കുന്ന സമ്മേളന നഗരിയില് 5 മണിക്ക് എസ് എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് ഹിന്ദുമഹാസംഗമം ഉദ്ഘാടനം ചെയ്യും . സ്വാഗത സംഘം ചെയര്മാന് സി.എന്.രാധാകൃഷ്ണന് അദ്ധ്യക്ഷത വഹിക്കും . ആര്എസ്എസ് പ്രാന്ത സംഘചാലക് പി.ഇ.ബി.മേനോന് , ബ്രഹ്മശ്രീ അഴ് വാഞ്ചേരി കൃഷ്ണന് തമ്പ്രാക്കള് ,സ്വാമി ഗ്വാരഖ്നാഥ് എന്നിവര് അനുഗ്രഹ പ്രഭാഷണം നടത്തും .
ഹിന്ദു ഐക്യവേദി സംസ്ഥാന അദ്ധ്യക്ഷ കെ.പി.ശശികല ടീച്ചര് മുഖ്യ പ്രഭാഷണം നടത്തും . കെപിഎംഎസ് സംസ് ഥാന ജനറല് സെക്രട്ടറി ടി.വി.ബാബു ഐക്യ സന്ദേശം നല്കും . സിനിമ സംവിധായകന് മേജര് രവി മുഖ്യാതിഥിയായിരിക്കും . കോവില്മല രാജാവ് രാമന് രാജമന്നന് , അരിപ്പ ഭൂസമര നായകന് ശ്രീരാമന് കൊേയ്യാന് എന്നിവരെ സംഗമത്തില് വച്ച് ആദരിക്കും .പറവൂര് തമ്പുരാന് പൃഥ്വീരാജ് രാജ സന്നിഹിതനായിരിക്കും .തുടര്ന്ന് വിവിധ ഹൈന്ദവ സംഘടന നേതാക്കള് സംസാരിക്കും .
വാര്ത്താ സമ്മേളനത്തില് എസ്എന്ഡിപി പറവൂര് യൂണിയന് പ്രസിണ്ടന്റ് സി.എന്.രാധാകൃഷ്ണന് , കെപിഎംഎസ് താലൂക്ക് യൂണിയന് പ്രസിണ്ടന്റ് െപ്രാഫ.എം.മോഹനന് , ഹിന്ദു ഐക്യവേദി താലൂക്ക് ജനറല് സെക്രട്ടറി എം.സി.സാബു ശാന്തി , സെക്രട്ടറി ടി.വി.വേണു എന്നിവര് പങ്കെടുത്തു.
