തൃപ്പൂണിത്തുറ: ആര്എല്വി കോളേജിനു എസ്എഫ്ഐക്കാരുടേയും ചില അദ്ധ്യാപകരുടേയും മാനസിക പീഠനത്തിനിരയായി ദളിത് പെണ്കുട്ടി ആത്മഹത്യാശ്രമം നടത്തിയ സംഭവത്തില് കുറ്റക്കാരായ അദ്ധ്യാപകരെയും എസ്എഫ്ഐ നേതാക്കന്മാരെയും അറസ്റ്റ് ചെയ്ത് നിയമത്തിന് മുമ്പില് കൊണ്ടുവന്ന് ശിക്ഷിക്കണമെന്ന് ആവശ്യപ്പെട്ട് എബിവിപിയുടെ നേതൃത്വത്തില് തൃപ്പൂണിത്തുറയില് പ്രകടനവും. പൊതുസമ്മേളനവും നടത്തി. ബിജെപി സംസ്ഥാന ജനറല് സെക്രട്ടറി കെ.സുരേന്ദ്രന് പൊതുസമ്മേളനം ഉദ്ഘാടനം ചെയ്തു. ഒരു സ്ത്രീ എന്ന നിലയില് നല്കേണ്ട സാമാന്യ മര്യാദപോലും കാണിക്കാതെ മാനസിക നിലപോലും തകര്ക്കുന്ന രീതിയിലുള്ള പെരുമാറ്റമാണ് എസ്എഫ്ഐ നേതാക്കന്മാരില് നിന്നും ഉണ്ടായതെന്ന് സുരേന്ദ്രന് പറഞ്ഞു.
തനിക്കുണ്ടായ മാനസിക പീഡനത്തിന് പരാതിപ്പെട്ട വിദ്യാര്ത്ഥിനിയെ ഒരുകൂട്ടം അദ്ധ്യപകരും- പ്രിന്സിപ്പാളും ചേര്ന്ന് ഭീഷണിപ്പെടുത്തി പരാതി പിന്വലിപ്പിച്ചത് അദ്ധ്യാപക സമൂഹത്തിന് തന്നെ നാണക്കേടാണ്. കുറ്റക്കാര്ക്കെതിരെ പട്ടികജാതിക്കാര്ക്കെതിരായ അതിക്രമങ്ങള്ക്കും മാനസിക പീഡനത്തിനുമുള്ള കേസ്സെടുത്ത് ഡിവൈഎസ്പി റാങ്കില് കുറയാത്ത ഉദ്യോഗസ്ഥനെക്കൊണ്ട് അന്വേഷിപ്പിക്കണമെന്ന് കെ.സുരേന്ദ്രന് ആവശ്യപ്പെട്ടു. ഇതിന്റെ ഉത്തരവാദിത്വം ഏറ്റെടുത്ത് വിദ്യാഭ്യസമന്ത്രി രാജിവയ്ക്കണം. സാക്ഷര കേരളത്തില് ഒരു ദളിത് വിദ്യാര്ത്ഥിനിയുടെ അപമാനിച്ച് കല്യാണം വരെ മുടക്കി ആത്മഹത്യചെയ്യാന് പ്രേരിപ്പിച്ച സംഭവത്തില് ഒരു സാംസ്കാരിക നായകന്മാര് പോലും പ്രതികരിക്കുന്നില്ല. പാവപ്പെട്ട കുട്ടിയുടെ കരളലിയിപ്പിക്കുന്ന കഥകേട്ടിട്ട് സാഹിത്യനായകന്മാര് പുരസ്കാരം തിരിച്ച് കൊടുക്കുന്നില്ല. പുരോഗമന സാഹിത്യകാരന്മാര്. മിണ്ടുന്നില്ല. ഇത് അവരുടെ ഇരട്ടത്താപ്പ് വ്യക്തമാക്കുന്നതായി അദ്ദേഹം ചൂണ്ടിക്കാട്ടി.
ബിഎംഎസ് സംസ്ഥാന സെക്രട്ടറി രഘുരാജ്, മഹിള മോര്ച്ച സംസ്ഥാന പ്രസിഡന്റ് രേണുക സുരേഷ് എന്നിവര് പ്രസംഗിച്ചു. ആര്എസ്എസ് നഗര് കാര്യവാഹ് വിനോദ്, ബിഎംഎസ് ജില്ലാ പ്രസിഡന്റ് എം.എസ്. വിനോദ്കുമാര്, ഹിന്ദുഐക്യവേദി കണയന്നൂര് താലൂക്ക് സംഘടന സെക്രട്ടറി കെ.കെ. നവീന്, ബിജെപി നിയോജകമണ്ഡലം ജനറല് സെക്രട്ടറി സുനില്കുമാര്, യുവമോര്ച്ച സംസ്ഥാന സമിതി അംഗം അരുണകല്ലാത്ത്, ബിജെപി ജില്ല ജനറല് സെക്രട്ടറി അഡ്വ.ഷൈജു, വിഎച്ച്പി പ്രചാര് പ്രമുഖ് എന്.ആര്. സുധാകരന് എന്നിവര് നേതൃത്വം നല്കി.
