കൊച്ചി: അമ്യത ഇന്സ്റ്റിറ്റിയുട്ട് ഓഫ് മെഡിക്കല് സയന്സസിലെ ശ്വാസകോശ രോഗചികിത്സാ വിഭാഗത്തിന്റെ ആഭിമുഖ്യത്തില് ‘പള്മോ പിജി അപ്ഡേറ്റ്’ ദ്വിദിന സമ്മേളനം നടത്തി. ഇതോടൊപ്പം ഇസിഎംഒ യൂണിറ്റിന്റേയും, പള്മണറി ആര്ട്ടറി ഹൈപ്പര് ടെന്ഷന് ക്ലിനിക്കിന്റേയും ഉദ്ഘാടനം സബ് കളക്ടര് എസ്. സുഹാസ് നിര്വഹിച്ചു.
ഡോ:പ്രതാപന് നായര് പ്രിന്സിപ്പല് അമ്യത സ്കൂള് ഓഫ് മെഡിസിന്, പള്മണറി വിഭാഗം മേധാവി പ്രൊഫ. ഡോ:പി.റ്റി. ജെയിംസ്, ഡോ:അരുണ് നായര് ചീഫ് ഇന്റര്വെന്ഷണല് പള്മോണളജിസ്റ്റ്, ഡോ: ഹരി ലക്ഷ്മണന് ഡോ:ബാലസുബ്രഹ്മണ്യം (സിവിടിഎസ് വിഭാഗം) എന്നിവര് ചടങ്ങില് സംസാരിച്ചു. ഇസിഎംഒ പ്രക്രിയയെക്കുറിച്ചും, പള്മണറി ആര്ട്ടറിഹൈപ്പര് ടെന്ഷനെക്കുറിച്ചും ചീഫ് ഇന്റര്വെന്ഷണല് പള്മോണളജിസ്റ്റ് ഡോ:അരുണ്നായര് പ്രബന്ധം അവതരിപ്പിച്ചു.
വെന്റിലേറ്റല് സപ്പോര്ട്ടിനോട് പ്രതികരിക്കാത്ത ശ്വസിക്കുവാന് ബുദ്ധിമുട്ട് അനുഭവിക്കുന്ന അതീവ ഗുരുതരാവസ്ഥയില് കഴിയുന്ന രോഗികള്ക്ക് അടിയന്തിര ജീവന് രക്ഷയ്ക്കുവേണ്ടി ചെയ്യുന്ന പ്രക്രിയയാണ് ഇസിഎംഒ. സംസ്ഥാനത്ത് വളരെ കുറച്ചു സെന്ററുകളില് മാത്രമാണ് ഈ ചികിത്സ ലഭിക്കുന്നുള്ളു. അമ്യത ഇന്സ്റ്റിറ്റിയൂട്ട് ഓഫ് മെഡിക്കല് സയന്സസിലെ പള്മണറി വിഭാഗത്തില് ഈ ചികിത്സരീതി ലഭ്യമാണ്. അമ്യത ഇന്സ്റ്റിറ്റിയുട്ട് ഓഫ് മെഡിക്കല് സയന്സസിലെ പള്മണറി, സിവിടിഎസ്, കര്ഡിയാക് അനസ്തെറ്റിസ്എന്നീ വിഭാഗങ്ങള് സംയുക്തമായാണ്ഇസിഎംഒ പ്രക്രിയ നടത്തുന്നത്. ശ്വാസകോശത്തിലെ രക്തക്കുഴലുകളെ ബാധിക്കുന്ന രോഗമാണ് പള്മണറി ആര്ട്ടറി ഹൈപ്പര് ടെന്ഷന്. പള്മണറി ആര്ട്ടറി ഹൈപ്പര് ടെന്ഷന് ക്ലിനിക്കില് കുട്ടികള്ക്കും മുതിര്ന്നവര്ക്കും ചികിത്സാ സൗകര്യം ലഭ്യമാണ്. പീഡിയാട്രിക് കാര്ഡിയോളജി വിഭാഗം, പള്മണറി വിഭാഗം എന്നീ വിഭാഗങ്ങള് സംയുക്തമായാണ് ഇതു പ്രവര്ത്തിക്കുന്നത്.
