കോഴിക്കോട്: തൊഴില്രഹിതരായ പ്രവാസികളെ തൊഴില് സംരംഭകരാക്കി മാറ്റുന്നതിനും പ്രവാസികളുടെ ന്യായമായ അവകാശങ്ങള് നേടിയെടുക്കുന്നതിനുമായി കേരളാ സ്റ്റേറ്റ് പ്രവാസി വര്ക്കേഴ്സ് യൂണിയന് രൂപീകരിച്ച് പ്രവര്ത്തനമാരംഭിച്ചതായി ഭാരവാഹികള് വാര്ത്താസമ്മേളനത്തില് അറിയിച്ചു. കേരളത്തില് ചിലര് പ്രവാസികളെ ചാരിറ്റബിള് ട്രസ്റ്റിന്റെ പരിധിക്കുള്ളില് രജിസ്റ്റര് ചെയ്ത് ജാതിമതരാഷ്ട്രീയത്തിന്റെ പേരില് വിഘടിപ്പിച്ച് ചൂഷണം ചെയ്യുകയാണെന്നും ഭാരവാഹികള് കുറ്റപ്പെടുത്തി. വിദ്യാഭ്യാസത്തിന്റെ പേരില് എന്ആര്ഐ ക്വാട്ടയിലൂടെ നടത്തുന്ന അമിത കോഴ പിരിവ് അവസാനിപ്പിക്കണമെന്നും പ്രവാസികള്ക്ക് തൊഴില് സംവരണം ലഭ്യമാക്കണമെന്നും ഭാരവാഹികള് ആവശ്യപ്പെട്ടു.
ആര്. രാജന് എടയാടി, എ.പി. അനില്കുമാര്, പി.എം. പ്രഭ, പ്രൊഫ. കൃഷ്ണകുമാര്, എം.ടി. ഷമീര്, കെ.എം. സുബൈര് എന്നിവര് വാര്ത്താസമ്മേളനത്തില് പങ്കെടുത്തു.
