കോട്ടയം: ആസന്നമായ നിയമസഭാ തെരഞ്ഞെടുപ്പില് കോട്ടയത്തുനിന്നും ബിജെപിക്ക് എംഎല്എ ഉണ്ടാകുമെന്ന് ജില്ലാ നേതൃത്വം ദേശീയ അദ്ധ്യക്ഷന് അമിത്ഷായ്ക്ക് ജനസാഗരത്തെ സാക്ഷിനിറുത്തി ഉറപ്പ് നല്കി. കുമ്മനം രാജശേഖരന് നയിക്കുന്ന വിമോചന യാത്രയ്ക്ക് നല്കിയ സ്വീകരണ സമ്മേളനത്തിലെ അദ്ധ്യക്ഷ പ്രസംഗത്തിലാണ് ജില്ലാ പ്രസിഡന്റ് എന്.ഹരി ഈ ഉറപ്പ് നല്കിയത്.
ഹരിയുടെ ഉറപ്പ് വന് ഹര്ഷാരവത്തോടെയും മുദ്രാവാക്യം വിളികളോടെയുമാണ് നെഹ്റു സ്റ്റേഡിയത്തില് തടിച്ചുകൂടിയ പതിനായിരങ്ങള് സ്വീകരിച്ചത്. സ്വീകരണ സമ്മേളനം ഉദ്ഘാടനം ചെയ്യാനെത്തിയ അമിത്ഷായ്ക്ക് ജില്ലയുടെ സ്നേഹോപഹാരമായി കഥകളി രൂപം സമ്മാനിച്ചു.
വിമോചനയാത്രയുടെ നായകനായ കുമ്മനം രാജശേഖരന് കോട്ടയം നഗരസഭ ബിജെപി പാര്ലമെന്ററി പാര്ട്ടി ലീഡര് ടി.എന്.ഹരികുമാര്, കൗണ്സിലര്മാരായ കെ.ശങ്കരന്, വിനുമോഹന്, രേണുകാ ശശി, ജ്യോതി ശ്രീകാന്ത് എന്നിവര് വാളും പരിചയും നല്കി സ്വീകരിച്ചു. ബിജെപി നിയോജകമണ്ഡലം പ്രസിഡന്റുമാരായ സി.എന്.സുഭാഷ്, ടി.വി.മിത്രലാല്, ടി.പി.ജയപ്രകാശ്, എന്.വി.ബൈജു, മോഹനന് പനയ്ക്കന്, വി.സി.അജി, കെ.ജി.കണ്ണന്, ടി.കെ.കൃഷ്ണകുമാര്, എം.എസ്.വിശ്വനാഥന് തുടങ്ങിയവര് ഹാരാര്പ്പണം നടത്തി സ്വീകരിച്ചു.
പഞ്ചായത്ത് മുനിസിപ്പല് പ്രസിഡന്റുമാര് യാത്രാനായകന് പണക്കിഴി നല്കി സ്വീകരിച്ചു. മോര്ച്ചകളുടെ പ്രസിഡന്റുമാരായ ജിജോ ജോസഫ്, എസ്.രതീഷ്, ജയപ്രകാശ് വാകത്താനം എന്നിവരും സുമാ വിജയന്, ഷൈലമ്മ രാജപ്പന്, ലീലാ വിജയപ്പന്, അഡ്വ.നോബിള് മാത്യു തുടങ്ങിയവരും കുമ്മനത്തെ സ്വീകരിച്ചു. സ്വീകരണ സമ്മേളനത്തില് കേന്ദ്രമന്ത്രി ജയപ്രകാശ് നഢ, ദേശീയ ജനറല് സെക്രട്ടറി എച്ച്.രാജ, നേതാക്കളായ ഒ.രാജഗോപാല്, അഡ്വ. പി.എസ്.ശ്രീധരന്പിള്ള, വി.മുരളീധരന്, എ.എന്.രാധാകൃഷ്ണന്, എം.ടി.രമേശ്, കെ.സുരേന്ദ്രന്, ശോഭാ സുരേന്ദ്രന്, കെ.പി.ശ്രീശന്, പി.എം.വേലായുധന്, അഡ്വ.ജോര്ജ്ജ് കുര്യന്, വി.വി.രാജേഷ്, വി.കെ.സജീവന്, അഡ്വ.ഗോപാലകൃഷ്ണന്, രാധാമണി, എം.ബി.രാജഗോപാല്, ഏറ്റുമാനൂര് രാധാകൃഷ്ണന്, ബി.രാധാകൃഷ്ണമേനോന്, പി.കെ. രവീന്ദ്രന്, പ്രൊഫ.ബി.വിജയകുമാര്, അഡ്വ.എസ്.ജയസൂര്യന്, ടി.എന്.ഹരികുമാര്, അഡ്വ.നാരായണന് നമ്പൂതിരി, വെള്ളിയാകുളം പരമേശ്വരന്, ശങ്കരന്കുട്ടി, കെ.എം.സന്തോഷ്കുമാര്, കെ.ജി.രാജ്മോഹന്, കെ.പി.സുരേഷ്, ജി.ലിജിന്ലാല് തുടങ്ങിയവര് പങ്കെടുത്തു.
