പയ്യന്നൂര്‍: ചുവപ്പന്‍ ഭീകരതയുടെ മുഷ്ടി ചുരുട്ടിയുള്ള മുദ്രാവാക്യം മാത്രം കേട്ടു തഴമ്പിച്ച പയ്യന്നൂരിന്റെ തെരുവീഥികളെ വന്ദേ മാതര ഗാനം പാടി ദേശ സ്‌നേഹികളായ യുവാക്കള്‍ കീഴടക്കിയപ്പോള്‍ ബി.ജെ.പി.സംസ്ഥാന പ്രസിഡണ്ട് കുമ്മനം രാജശേഖരന്റെ ജീല്ലയിലെ ആദ്യ സ്വീകരണം അവിസ്മരണിയമായി. പയ്യന്നൂര്‍ മണ്ഡലത്തിലെ വിവിധ മേഖലകളില്‍ നിന്നായി അയ്യായിരത്തിലധികം പ്രവര്‍ത്തകര്‍ പങ്കെടുത്ത പരിപാടി മുന്‍ കേന്ദ്ര മന്ത്രി ഒ.രാജഗോപാല്‍ ഉദ്ഘാടനം ചെയ്തു.ജില്ലാ അതിര്‍ത്തിയായ ഒളവറ പാലത്തിനു സമീപത്തുനിന്നും നിരവധി വാഹനങ്ങളുടെയും പ്രവര്‍ത്തകരുടെയും അകമ്പടിയോടെ വിമോചന യാത്രയെ സ്വാതന്ത്രസമര സ്മരണകള്‍ ഇരമ്പുന്ന പയ്യന്നൂരിലേക്ക് ആനയിച്ചു. പയ്യന്നൂര്‍ നഗരം അക്ഷരാര്‍ത്ഥത്തില്‍ യാത്രാ നായകനെ കാണാനും പ്രസംഗം കേള്‍ക്കാനുമുളളവരെ കൊണ്ട് നിറഞ്ഞു. ഉച്ചമുതല്‍ തന്നെ മണ്ഡലത്തിന്റെ വിവിധ ഭാഗങ്ങളില്‍ നിന്നും ജനങ്ങള്‍ പയ്യന്നൂര്‍ നഗരത്തിലേക്കൊഴുകിയെത്തി കൊണ്ടിരുന്നു. കാവി പതാകകളാലും ഹരിത കുങ്കുമ പതാകകളാലും തോരണങ്ങളായും അലംങ്കൃതമായ നഗരവീഥികള്‍ ദേശീയ ഗാനങ്ങളുടെ അകമ്പടിയും വാദ്യമേളങ്ങളാലും പയ്യന്നൂര്‍ ഇന്നോളം കണ്ടിട്ടില്ലാത്ത മഹാ സംഭവമാക്കി യാത്രയെ മാറ്റി. പരിപാടിയിലെ ജനപങ്കാളിത്തം സിപിഎം നേതൃത്വത്തെ പോലും ഞെട്ടിച്ചു. സംഘപരിവാര്‍ സംഘടനകളുടെ പയ്യന്നൂര്‍ മേഖലയിലെ ശക്തി അറിയിക്കുന്നതായി മാറി.
യോഗത്തില്‍ പയ്യന്നൂര്‍ മണ്ഡലം പ്രസിഡണ്ട് എം.പി.രവീന്ദ്രന്‍ അദ്ധ്യക്ഷത വഹിച്ചു.ദേശീയ സമിതിയംഗങ്ങളായ പി.കെ.വേലായുധന്‍,എ.പി.പത്മിനി ടീച്ചര്‍, സംസ്ഥാന സമിതിയംഗം എ.ദാമോദരന്‍, ജില്ലാ പ്രസിഡണ്ട് സി. സത്യപ്രകാശന്‍ മാസ്റ്റര്‍, മുന്‍ ജില്ലാ പ്രസിഡണ്ട് കെ.രജ്ഞിത്ത്. ജില്ലാ നേതാക്കളായ കെ.കെ.വിനോദ് കുമാര്‍,കെ.രാധാകൃഷ്ണന്‍, എ.ഒ.രാമചന്ദ്രന്‍,വിജയന്‍ വട്ടിപ്രം, മോഹനന്‍ മാനന്തേരി, കെ.ജയപ്രകാശ്,അഡ്വ.എ.വി.കേശവന്‍, മണ്ഡലം ജനറല്‍ സെക്രട്ടറി സി.കെ. രമേശന്‍ മാസ്റ്റര്‍ സ്വാഗതവും എം.കെ.മുരളി നന്ദിയും പറഞ്ഞു.
