കൊച്ചി : പിഡിപി പ്രവർത്തകൻ നൽകിയ പരാതിയിൽ ഹിന്ദു ഐക്യവേദി സംസ്ഥാന അധ്യക്ഷൻ ആർവി ബാബുവിനെതിരെ കേസെടുത്ത സംഭവത്തിൽ പ്രതികരിച്ച് അഡ്വക്കേറ്റ് അനിൽ വിളയിൽ. FIR ഇട്ടു എന്ന് കേട്ടാൽ പേടിച്ച് വീട്ടിലിരിക്കുന്ന വ്യക്തികൾ ഒന്നുമല്ല ഹൈന്ദവ നേതൃത്വത്തിൽ ഉള്ളതെന്നും , ഉടുക്ക് കൊട്ടുന്നത് കേട്ട് പേടിക്കുന്ന കാലം കഴിഞ്ഞുവെന്നും അനിൽ വിളയിൽ ഫേസ്ബുക്ക് പോസ്റ്റിൽ പറഞ്ഞു.
ഫേസ്ബുക്ക് പോസ്റ്റ് ഇങ്ങനെ…
‘ RV ബാബു പേടിച്ചു
ഒരു സ്ഥലം കേന്ദ്രീകരിച്ച് നടക്കുന്ന സ്വർണ്ണകടത്ത് ഉൾപ്പടെയുള്ള കാര്യങ്ങൾ വളരെ വ്യക്തമായി ഹിന്ദു ദിനപത്രത്തിൽ ഇൻറർവ്യൂ ആയി കൊടുത്ത പഴയ മുഖ്യമന്ത്രി പിണറായി വിജയനെതിരെ നാളിതുവരെ കേസെടുത്തിട്ടില്ല.
ഹിന്ദുക്കളെ അപമാനിച്ചുകൊണ്ട് ശിവലിംഗത്തിലേക്ക് ആർത്തവ രക്തം ഒഴുക്കുന്ന ലോട്ടറി ടിക്കറ്റ് അടിച്ചിറക്കിയതിനെതിരെ കേസ് കൊടുത്തിട്ട് നാളിതുവരെ ഇട്ടിട്ടില്ല.
മഹാത്മാഗാന്ധിയെ വധിച്ചത് ആർഎസ്എസുകാരനാണ് എന്ന് കള്ളം പറഞ്ഞ പഴയ മന്ത്രി ശിവൻകുട്ടിക്കെതിരെ നാളിതുവരെ കേസെടുത്തിട്ടില്ല.
സമാന പരാമർശം നടത്തിയ സിപിഐയുടെ നേതാവ് ആനിരാജക്കെതിരെ നാളതുവരെ കേസെടുത്തിട്ടില്ല.
ഭൂലോക ഫ്രോഡ് ആയിട്ടുള്ള പാസ്റ്റർ ബിനു വാഴമുട്ടത്തിൽ എന്ന ഉപദേശിക്കെതിരെ നിരവധി കേസുകൾ പത്തനംതിട്ട പോലീസിൽ കഴിഞ്ഞ ദിവസങ്ങളിൽ പോലും കൊടുത്തിട്ടും നാളിതുവരെ എഫ്ഐആർ ഇട്ടിട്ടില്ല
ആവിഷ്ക്കാര സ്വാതന്ത്യം മറപിടിച്ച് വിവേകാനന്ദ സ്വാമികൾ യോഗി ആദിത്യനാഥിനെ ചവിട്ടുന്ന പടം പ്രസിദ്ധീകരിച്ചവനെതിരെ കേസുണ്ടായില്ല
ഗുരുവായൂർ ക്ഷേത്ര നഗരിയെ മോശമാക്കുന്ന പരസ്യം ചെയ്ത ഹോട്ടൽ സ്ഥാപന ഉടമക്കെതിരെ കേസ് എടുത്തില്ല
ആഭ്യന്തര മന്ത്രിയുടെ വീട്ടിലേക്ക് ഹെൽമറ്റ് വെക്കാതെ വന്ന മുൻ മന്ത്രിക്കെതിരെ കേസെടുത്തുതായി അറിവില്ല
…….ഇങ്ങനെ എത്ര ഉദാഹരണങ്ങൾ വേണമെങ്കിലും കാട്ടാം എന്നാൽ ആർ വി ബാബു എന്ന ഹിന്ദു ഐക്യവേദിയുടെ ആദരണീയനായ അധ്യക്ഷൻ ചില കാര്യങ്ങൾ പറഞ്ഞപ്പോൾ എന്തൊരു വേഗതയിലാണ് എഫ്ഐആർ ഇടുന്നത്. അതും ആരുടെ പരാതിയിലാണ്? PDP നേതാവിന്റെ. ഇതാണ് പരസ്പര സഹവർത്തിത്വം
ഇങ്ങനെ FIR ഇട്ടു എന്ന കാരണത്താലൊക്കെ പേടിച്ച് വീട്ടിലിരിക്കുന്ന വ്യക്തികൾ ഒന്നുമല്ല ഹൈന്ദവ നേതൃത്വത്തിൽ ഉള്ളത് .ഉടുക്ക് കൊട്ടുന്നത് കേട്ട് പേടിക്കുന്ന കാലം കഴിഞ്ഞു ‘
