തിരുവനന്തപുരം: സ്റ്റാമ്പ് ഡ്യൂട്ടി നിര്ണ്ണയിക്കുന്നതില് സംസ്ഥാനത്തെ മിക്ക സബ് രജിസ്ട്രാര്മാര്ക്കും അജ്ഞത. മുദ്രപത്രം കുറഞ്ഞുതായി രജിസ്റ്ററിംങ് ഉദ്യോഗസ്ഥന് സംശയമുണ്ടായാല് ഇംപോണ്ട് ചെയ്ത് ആധാരം രജിസ്റ്റര്ചെയ്യുന്നതിനുപകരം ഇടപാടുകാരെ അഡ്ജൂഡിക്കേഷന് നടപടികള്ക്കായി അയക്കുന്നു. ഇത് ഇടപാടുകാരെ ബുദ്ധിമുട്ടുന്നതിനൊപ്പം ജില്ലാ രജിസ്ട്രാര് ഓഫീസുകളിലെ പ്രവര്ത്തനവും താളംതെറ്റിക്കുന്നുവെന്നും ആക്ഷേപം. കഴിഞ്ഞ രണ്ട് വര്ഷമായി പ്രതിമാസം ശരാശരി 50 ഓളം ആധാരങ്ങളാണ് സ്റ്റാമ്പ് ഡ്യൂട്ടി നിര്ണ്ണയിക്കുന്നിന് വേണ്ടി ജില്ലാ രജിസ്ട്രാര് ഓഫീസുകളിലെത്തുന്നത്. രജിസ്റ്റര് ചെയ്യേണ്ട ആധാരങ്ങളില് സ്റ്റാമ്പ് ഡ്യൂട്ടി കുറവുണ്ടെന്നു രജിസ്റ്ററിംങ് ഉദ്യോഗസ്ഥന് ബോധ്യമായാല് ആധാരം ഇംപോണ്ട് ചെയ്ത് രജിസ്റ്റര് ചെയ്യുന്നതിനു പകരം ആധാരങ്ങള് നിക്ഷേധിച്ചു നല്കുകയാണ് മിക്ക സബ് രജിസ്റ്റാര് ഓഫീസുകളിലും ചെയ്യുന്നത്. ഇതുകാരണം ആധാരങ്ങളുടെ സ്റ്റാമ്പ് ഡ്യൂട്ടി നിശ്ചയിച്ചുകിട്ടാന് ഇടപാടുകാര് ജില്ലാ രജിസ്ട്രാര് ഓഫീസുകള് കയറി ഇറങ്ങേണ്ട സ്ഥിതിയാണുള്ളത്.
അച്ഛന് മകന് ഇഷ്ടദാനം നല്കിയ വസ്തുവിന്റെ സര്വ്വെ നമ്പര് തെറ്റിപോയത് തിരുത്താധാരം രജിസ്റ്റര്ചെയ്യുന്നതിന് വിലയാധാരത്തിനുള്ള മുദ്രപത്രം ചുമത്തണമെന്ന് നിര്ദ്ദേശിച്ച സബ് രജിസ്ട്രാര്മാര്വരെ തലസ്ഥാനജില്ലയില് ജോലിചെയ്യുന്നുണ്ട്. 50 ലക്ഷം വിലയുള്ള വസ്തു മകന് ഇഷ്ടദാനം രജിസ്റ്റര്ചെയ്തു കൊടുത്തപ്പോള് സര്വ്വെ നമ്പര് 474/4ന് പകരം 447/4 എന്നായിപോയി. ഈ ആധാരം തിരുത്താധാരം എഴുതുന്നതിന് മൂന്ന് ലക്ഷം രൂപ മുദ്രപത്രം ചുമത്തണമെന്ന് സബ് രജിസ്ട്രാര് നിര്ദ്ദേശിച്ചു. എന്നാല് ഇംപോണ്ട് ചെയ്ത് ആധാരം രജിസ്റ്റര്ചെയ്ത് കിട്ടാന് ആവശ്യപ്പെട്ടെങ്കിലും രജിസ്റ്ററിംങ് ഉദ്യോഗസ്ഥന് കൂട്ടാക്കാതെ നിരസിക്കുകയായിരുന്നു. ഒടുവില് ജില്ലാ രജിസ്റ്റാര് ഓഫീസില് അഡ്ജൂഡിക്കേഷന് നടപടികള്ക്കായി നല്കിയപ്പോള് മുദ്രപത്രം ആയിരം രൂപയെന്ന് നിശ്ചയിച്ചു നല്കി.
നിരന്തരം അഡ്ജൂഡിക്കേഷന് നടപടികള്ക്കായി ജില്ലാ രജിസ്റ്റാര് ഓഫീസുകള് അപേക്ഷകള് കൂടുന്നത് നിമിത്തം ജില്ലാ ഓഫീസിലെ മറ്റ് ജോലികള് താളം തെറ്റുകയാണ്. സബ് രജിസ്റ്റാര് ഓഫീസില് രജിസ്റ്റര് ചെയ്യുന്നതിനായി ഹാജരാക്കുന്ന ആധാരങ്ങളില് മുദ്രപത്രം കുറവായി രജിസ്റ്ററിംങ് ഉദ്യോഗസ്ഥന് ബോധ്യമായാല് നിക്ഷേധകുറിപ്പ് നല്കി രജിസ്ട്രേഷന് നിക്ഷേധിക്കാന് പാടില്ലെന്ന ചട്ടം ലംഘിക്കുന്ന രജിസ്റ്ററിംങ് ഉദ്യോഗസ്ഥര്ക്കെതിരെ നടപടി വേണമെന്ന ആവശ്യവും ശക്തമായിരിക്കുകയാണ്.
