കായംകുളം: കലോത്സവവേദിയില് സംസ്കൃതോത്സവത്തില് മണ്ണാറശാല യുപിഎസ് മുന്നില്. ആകെ പതിനേഴ് ഇനങ്ങളില് മത്സരിക്കുന്ന സ്കൂള് 11 ഇനങ്ങളിലെ മത്സരഫലം പുറത്തുവന്നതില് 10 ഇനങ്ങളില് എഗേഡും ഒന്നാം സ്ഥാനവും ഒരിനത്തില് എഗ്രേഡും രണ്ടാംസ്ഥാനവും കരസ്ഥമാക്കി.
സ്കൂള് അവതരിപ്പിച്ച ‘വയം ജലജാ ഹു’ എന്ന സംസ്കൃത നാടകത്തിന് ഒന്നാം സ്ഥാനം ലഭിച്ചു. പ്രകൃതിയോടു കാട്ടുന്ന ക്രൂരതയില് ഭൂമിദേവിയുടെ കോപത്തിനിരയാകുന്ന മനുഷ്യരുടെ അവസ്ഥയാണ് നാടകത്തിലൂടെ പ്രതിപാദിച്ചത്. ഈ നാടകത്തിലെ അഭിനയത്തിന് ജ്യോതിസ് നാരായണന് മികച്ച നടനായും കെ .പൂജ മികച്ച നടിയായും തെരഞ്ഞെടുക്കപ്പെട്ടു. സ്കൂളിലെ അധ്യാപികയായ വിദ്യാ കാരിക്കാമഠമാണ് സംവിധായക. സ്കൂളിലെ അശ്വിന് അഞ്ച് ഇനത്തില് മത്സരിക്കുകയും സമസ്യാപുരാണം, പ്രശ്നോത്തരി, സിദ്ധരൂപോച്ചാരണം എന്നീ ഇനങ്ങളില് ഒന്നാംസ്ഥാനവും കഥാരചനയ്ക്ക് രണ്ടാം സ്ഥാനവും ലഭിച്ചു. മികച്ച നടിയായ പൂജ, കഥാരചന, ഗദ്യപാരായണം, കഥാകദനം എന്നിവയ്ക്ക് ഒന്നാം സ്ഥാനം നേടി. സിദ്ധരൂപോച്ചാരണം ചന്ദന.ആര്, പ്രഭാഷണം നിധി.എസ്.കുമാര്, പദ്യം ചൊല്ലലില് കല്ല്യാണിപ്രസാദും, ഹരിശങ്കര് ഒന്നാം സ്ഥാനം നേടി.
