കണ്ണൂര്‍: അണ്‍ ഇക്കണോമിക് സ്‌കൂളിലെ അധ്യാപകര്‍ക്ക് നിയമനാംഗീകാരം നല്‍കാനുള്ള അടിയന്തിര നടപടി സര്‍ക്കാര്‍ സ്വീകരിക്കണമെന്നാവശ്യപ്പെട്ട് ജനുവരി 7 ന് സ്റ്റേഡിയം കോര്‍ണറില്‍ നോണ്‍ അപ്രൂവ്ഡ് അണ്‍ എക്കണോമിക് സ്‌കൂള്‍ ടീച്ചേഴ്‌സ് യൂണിയന്റെ നേതൃത്വത്തില്‍ പ്രതിഷേധ കലാപരിപാടി നടത്തുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. 2011 അധ്യയന വര്‍ഷം മുതല്‍ എയ്ഡഡ് അണ്‍ ഇക്കണോമിക് സ്‌കൂളുകളില്‍ ജോലിയില്‍ പ്രവേശിച്ച് അധ്യാപകര്‍ക്ക് ഇത് വരെ നിയമനാംഗീകാരമോ ശമ്പളോ ലഭിച്ചിട്ടില്ല.2015ല്‍ പുതിയ അധ്യാപക പാക്കേജ് നടപ്പിലാക്കിയിട്ടും അണ്‍ ഇക്കണോമിക് സ്‌കൂളുകളിലെ നിയമനങ്ങളെ പരിഗണിക്കാതെയാണ് പാക്കേജ് നടപ്പിലാക്കിയത്. പാവപ്പെട്ടവന്റെ മക്കളുടെ വിദ്യാഭ്യാസവും സമൂഹത്തിന്റെ ഉന്നമനവും നിശ്ചലമാക്കുന്ന ഇത്തരം ഓര്‍ഡറുകള്‍ പൊതുവിദ്യാഭ്യാസ മേഖലയെ തകര്‍ക്കും. നിലവില്‍ 350 അധ്യാപകരാണ് അഞ്ച് വര്‍ഷമായി നിയമനാംഗീകാരം ലഭിക്കാതെ പുതിയ പാക്കേജില്‍ നിന്നും പുറത്തായി നില്‍ക്കുന്നത്. ഇതില്‍ 230 ഓളം അധ്യാപകര്‍ കണ്ണൂര്‍ ജില്ലയിലുള്ളവരാണ്. അതുകൊണ്ടാണ് കണ്ണൂര്‍ കേന്ദ്രകീരിച്ച് അധ്യാപകര്‍ പ്രതിഷേധ പരിപാടി നടത്തുന്നത്. പത്രസമ്മേളനത്തില്‍ സംസ്ഥാന പ്രസിഡന്റ് ബേബി ആല്‍ബര്‍ട്ട്, ജോയിന്റ് സെക്രട്ടറി കെ.പി.രാഗേഷ്, മൈത്രി ടീച്ചര്‍ എന്നിവര്‍ പങ്കെടുത്തു.
നിയമനാംഗീകാരം ലഭിക്കാത്ത അധ്യാപകരുടെ പ്രതിഷേധകലാപരിപാടി 7ന് കണ്ണൂരില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.