മട്ടന്നൂര്: ഗായത്രി ക്രിയേഷന്സിന്റെ ബാനറില് പ്രമോദ് പേരിക്കുന്ന് രചനയും സംവിധാനവും നിര്വഹിക്കുന്ന മിച്ചം എന്ന ടെലി ഫിലിമിന്റെ സ്വിച്ച് ഓണ് കര്മ്മം മട്ടന്നൂര് നഗരസഭാ ചെയര്മാന് ഭാസ്കരന് മാസ്റ്റര് നിര്വഹിച്ചു. ചടങ്ങില് നഗരസഭാംഗങ്ങളായ പി.വി.ധനസലക്ഷ്മി, വി.എസ്.മുഹമ്മദ്, സാംസ്കാരിക പ്രവര്ത്തകന് കാരായി ശ്രീധരന്, കെ.വി.മധു, സിനിമാ സംവിധായകന് രാജീവ് നടുവനാട് എന്നിവര് പങ്കെടുത്തു. ഡോ.ബിജു കൊടോളിപ്രം, ഷാജി കോട്ടായി എന്നിവര് ചേര്ന്ന് നിര്മ്മിക്കുന്ന മിച്ചത്തില് സതീഷ് കൊതേരി, സുമേഷ് അഴീക്കോട്, മുരളി വായാട്ട്, ഗിരിഷ് കണ്ണൂര്, ബ്രഹ്മാനന്ദബോസ്, ഷാജി കോട്ടായി, ഷീന, ശ്രീജിഷ, സജിന എന്നിവര് വേഷമിടുന്ന ടെലി ഫിലിമിന്റെ ക്യാമറ സുരേഷ് ഫെന്റാസ്റ്റികും സംഗീതം കുഞ്ഞികൃഷ്ണനും സുനില് കണ്ണൂര് ഗാനരചനയും നിര്വഹിക്കുന്നു.
മിച്ചം എന്ന ടെലിഫിലിമിന്റെ അണിയറയില് പ്രവര്ത്തിക്കുന്ന മുഴുവന് കലാപ്രവര്ത്തകരും മട്ടന്നൂര് മിനി ക്ലബ്ബിന്റെ നേതൃത്വത്തിലുള്ള അമ്മ പെയിന് ആന്റ് പാലിയേറ്റീവ് സെന്ററിന്റെ അതിജീവന കാരുണ്യ പ്രവര്ത്തനത്തിന്റെ ഭാഗമായ അവയവദാന സമ്മതപത്രത്തില് രജിസ്റ്റര് ചെയ്ത് മാതൃക കാട്ടി.
