കണ്ണൂര്: കണ്ണൂര് ആകാശവാണി നിലയത്തിന്റെ 25-ാം വാര്ഷികത്തോടനുബന്ധിച്ച് കണ്ണൂര് സര്വകലാശാല മലയാള വിഭാഗത്തിന്റെയും കൃഷ്ണമേനോന് സ്മാരക വനിതാ കോളേജ് മലയാള വിഭാഗത്തിന്റെയും സഹകരണത്തോടെ സംഘടിപ്പിക്കുന്ന ഭാഷാ സാഹിത്യ സെമിനാറുകളുടെ ഔപചാരികമായ ഉദ്ഘാടനം കൃഷ്ണമേനോന് സ്മാരക വനിതാ കോളേജില് 5 ന് പ്രശസ്ത കഥാകൃത്ത് ടി.പത്മനാഭന് നിര്വഹിക്കും. ആകാശവാണി പ്രോഗ്രാം മേധാവി കെ ബാലചന്ദ്രന് അധ്യക്ഷനായിരിക്കും. കൃഷ്ണമേനാന് സ്മാരക വനിതാ കോളേജ് പ്രിന്സിപ്പല് ഡോ.ഓമന പങ്കന് ആമുഖപ്രഭാഷണം നടത്തും. ഡോ.എ.എം. ശ്രീധരന് പരിപാടികള് വിശദീകരിക്കും. കണ്ണൂര് സര്വകലാശാലയോട് അഫിലിയേറ്റ് ചെയ്ത തെരഞ്ഞെടുത്ത പത്ത് കോളേജുകളിലായിരിക്കും സെമിനാറുകള് സംഘടിപ്പിക്കുക. മലയാളത്തിലെ 25 കൃതികളുടെ പുനര്വായനയാണ് പരിപാടിയുടെ പ്രധാന ലക്ഷ്യം.
ഭാഷാ സാഹിത്യ സെമിനാര് ടി.പത്മനാഭന് ഉദ്ഘാടനം ചെയ്യും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.