കാസര്കോട്: മുന്നാട് പിപിള്സ് കോളേജില് വിദ്യാര്ത്ഥിനികളെ അസഭ്യം പറഞ്ഞ എസ്.എഫ്.ഐ പ്രവര്ത്തകനും ഇരിയ സ്വദേശിയും ആറാം സെമസ്റ്റര് ബി.ബി.എം വിദ്യാര്ത്ഥിയുമായ മനോജിനെ വിദ്യാര്ത്ഥിനികള് വുമണ് സെല്ലില് നല്കിയ പരാതിയുടെ അടിസ്ഥാനത്തില് അന്വേഷണ വിധേയമായി കോളേജില് നിന്ന് സസ്പെന്റ് ചെയ്തതു. ജനവരി 11ന് രക്ഷിതാവിനെയും കൂട്ടി കോളേജില് ഹാജരാകാനും ഉത്തരവില് പറയുന്നു. പരാതിയുടെ അടിസ്ഥാനത്തില് ബിബിഎം ഡിപ്പാര്ട്ട്മെന്റ് തലവന് എം.വിനോദ് കുമാറിന്റെ നേതൃത്വത്തില് കോളേജ് വുമണ് സെല് നടത്തിയ അന്വേഷണത്തില് പ രാതി സത്യമാണെന്ന് തെളി ഞ്ഞതിനാലാണ് സസ്പെന്ഷന്.
മുന്നാട് കോളേജില് എസ്എഫ്ഐ പ്രവര്ത്തകര് മറ്റ് സംഘടനകളില് പെട്ട പ്രവര്ത്തകരെ അപമാനിക്കുകയും കൈയ്യേറ്റം ചെയ്യുകയും ചെയ്യുന്നത് നിത്യസംഭവമായി മാറിയിട്ടുണ്ട്. ഭീഷണി ഭയന്ന് തുടര്പഠനത്തെ ഓര്ത്ത് പലരും പരാതി നല്കാന് മടിക്കുകയാണ്. ഇവര്ക്കെതിരെ പരാതി നല്കിയതിന്റെ പേരില് നിരവധി വിദ്യാര്ത്ഥികള് അക്രമണത്തിന് ഇരയായിട്ടുണ്ട്.
