കോഴിക്കോട്: നഗരങ്ങളിലെ ദരിദ്രജനവിഭാഗത്തിന് സൗജന്യതൊഴില് പരിശീലനവും തൊഴിലും ലഭിക്കുന്നതിനുള്ള കേന്ദ്രസര്ക്കാര് പദ്ധതി കോഴിക്കോട്ട് നഗരത്തിലും. കേരളത്തിലെ തെരഞ്ഞെടുക്കപ്പെട്ട 14 നഗരങ്ങളിലാണ് ഈ പദ്ധതി നടപ്പാക്കുന്നത്. തൊഴില് ചെയ്യാന് സന്നദ്ധതയുള്ള എല്ലാ തൊഴില് രഹിതര്ക്കും ശമ്പളവ്യവസ്ഥയില്സുസ്ഥിരമായ തൊഴില്ലഭിക്കുന്നതിനാണ് സൗജന്യ തൊഴില് പരിശീലനവും നിയമവും എന്ന കേന്ദ്ര പദ്ധതി ആവിഷ്കരിച്ചിരിക്കുന്നത്. പരിശീലനം പൂര്ത്തിയാവുന്നവര്ക്ക് ദേശീയ തലത്തില് അംഗീകാരമുള്ള സര്ട്ടിഫിക്കറ്റുകളും വിവിധ തൊഴില് മേഖലകളില് നിയമനവും നല്കും. കോഴിക്കോട് നഗരസഭയില് 3 വര്ഷം കൊണ്ട് 2000 പേര്ക്ക് പദ്ധതിയിലൂടെ തൊഴില് ലഭ്യമാകും.
നഗരങ്ങളിലെ ദരിദ്രര്ക്ക് സൗജന്യ തൊഴില് പരിശീലനത്തിലൂടെ സുസ്ഥിരമായ ഉപജീവനമാര്ഗ്ഗം ഒരുക്കുന്നതിന്നാണ് ദേശീയ നഗര ഉപജീവനമിഷനു കീഴില് ഈ പദ്ധതി നടപ്പിലാക്കുന്നത്. തൊഴില് സാധ്യതാ പഠനത്തിന്റെ അടിസ്ഥാനത്തില് രൂപപ്പെടുത്തിയസര്ട്ടിഫൈഡ് കോഴ്സുകളിലൂടെ തൊഴില് ചെയ്യാന് സന്നദ്ധരായ എല്ലാ തൊഴില് രഹിതര്ക്കും സൗജന്യ പരിശീലനവും നിയമനവും ഉറപ്പാക്കുന്നു. പരിശീനത്തിനു ശേഷം സ്വയം തൊഴില്സംരംഭങ്ങള്തുടങ്ങുവാന് ആഗ്രഹിക്കുന്നവര്ക്ക് അതിനുള്ള സഹായങ്ങളും നല്കും.
പരിശീലനം പൂര്ത്തിയാക്കുന്നവര്ക്ക് ദേശീയതലത്തില് അംഗീകാരമുള്ളതും വ്യവസായ മേഖലയില് സ്വീകാര്യതയുള്ളതുമായ സര്ട്ടിഫിക്കറ്റുകളാണ് നല്കുന്നത്. നാഷണല് കൗണ്സില് ഫോര് വൊക്കേഷണല് ട്രെയിനിംഗ് (എന്സിവിടി) നാഷണല്സ്കില് ഡെവലപ്പ്മെന്റ് കോര്പ്പറേഷന് (എന്എസ്ഡിസി), സെക്ടര് സ്കില് കൗണ്സിലുകള് തുടങ്ങിയ കേന്ദ്ര സര്ക്കാര് അംഗീകാരമുള്ള ഏജന്സികള് പരീക്ഷ നടത്തി സര്ട്ടിഫിക്കറ്റുകള് നല്കും. പരീക്ഷാ ഫീസും പദ്ധതിക്കു കീഴില് നല്കും. പരിശീലന കേന്ദ്രങ്ങള് അതത് നഗരങ്ങളില് ത്തന്നെയായിരിക്കും. ഉയര്ന്ന യോ ഗ്യത ആവശ്യമുള്ള പ്രത്യേക പരിശീലനങ്ങള്ക്കായി തൊട്ടടുത്ത നഗരത്തിലോ സംസ്ഥാനതലത്തിലോ ആണ് പരിശീലന കേന്ദ്രങ്ങള് ഏര്പ്പെടുത്തുക. പരിശീലന കേന്ദ്രങ്ങള്സംസ്ഥാന സര്ക്കാരിന്റെയോ, നാഷണല് സ്കില് ഡെവലപ്പ്മെന്റ് കോര്പ്പറേഷന്റെയോ അംഗീകാരമുള്ളവയായിരിക്കും. ഓരോ പരിശീലന ബാച്ചിലും ഏറ്റവും ചുരുങ്ങിയത് 50% പേര്ക്കെങ്കിലും ശമ്പള വ്യവസ്ഥയിലുള്ള തൊ ഴിലില് നിയമനം നല്കും.
ഓരോ കോഴ്സുകള്ക്കുള്ള യോഗ്യത അതത് പരിശീലനത്തിന്റെ പാഠ്യപദ്ധതിക്കനുസരിച്ചായിരിക്കും. ലഭ്യമായ കോഴ്സുകളും അതിന്റെ യോഗ്യതയും സംബന്ധിച്ച വിവരങ്ങള് നഗരസഭകളില് പ്രവര്ത്തിക്കുന്ന ദേശീയ നഗര ഉപജീവന മിഷന്റെസിറ്റി മിഷന് മാനേജ്മെന്റ് യൂണിറ്റുകളില് നിന്നും ലഭിക്കും.
നഗരസഭാ ഓഫീസിലും, കുടുംബശ്രീ യൂണിറ്റുകള് മുഖേനയും അപേക്ഷകള് സമര്പ്പിക്കാം. അപേക്ഷ നഗരസഭാ ഓഫീസിലും ഫോറം കുടുംബശ്രീ വെബ് സൈറ്റിലും ലഭ്യമാണ്. അപേക്ഷകര്ക്ക് അനുയോജ്യമായ തൊഴില് മേഖലകളില് പരിശീലന കോഴ്സുകള് തെരഞ്ഞെടുക്കുന്നതിനായി ശില്പശാലകള് നടത്തും. ശില്പശാലയില് കോഴ്സുകള് തെരഞ്ഞെടുക്കുന്നവരെ രജിസ്റ്റര് ചെയ്ത് രജിസ്ട്രേഷന് വിവരങ്ങള് എസ്എംഎസ് മുഖേന അറിയിക്കും. കൗണ്സിലിംഗിനു ശേഷം പരിശീലനത്തിന് പ്രവേശനം നല്കും.
കോഴ്സ് തുടങ്ങുന്ന വിവരം, പരീക്ഷാ തിയ്യതി, പരീക്ഷാ ഫലം, ജോലിക്ക് ഹാജരാകാനുള്ളവിവരം എന്നിവയും എസ്എംഎസ് മുഖേന അറിയിക്കും. 2016 ജനുവരി 6 വരെ അപേക്ഷകള് സ്വീകരിക്കും.
ദേശീയ നഗര ഉപജീവനമിഷന് ഓഫീസില് നേരിട്ടോ, കുടുംബശ്രീ എഡിഎസ്, സിഡിഎസ് വഴിയോ അപേക്ഷകള് നല്കാം.
