റോം: ഇറ്റാലിയന് ലീഗ് കപ്പില് എസി മിലാന്, ലാസിയോ എന്നീ ടീമുകള് ക്വാര്ട്ടറില്. ഇന്നലെ നടന്ന പ്രീ ക്വാര്ട്ടര് മത്സരത്തില് മിലാന് മറുപടിയില്ലാത്ത രണ്ട് ഗോളുകള്ക്ക് സാംപദോറിയയെയും ലാസിയോ 2-1ന് ഉദിനസെയയും പരാജയപ്പെടുത്തിയാണ് അവസാന എട്ടില് ഇടംപിടിച്ചത്.
സാംപദോറിയക്കെതിരെ ഗോള്രഹിതമായ ആദ്യപകുതിക്കുശേഷം കളിയുടെ 50-ാം മിനിറ്റില് നിയാങ്, ഇഞ്ചുറിസമയത്ത് കാര്ലോസ് ബക്ക എന്നിവരാണ് എസി മിലാന്റെ ഗോളുകള് നേടിയത്. ക്വാര്ട്ടറില് കാര്പിയാണ് മിലാന്റെ എതിരാളികള്.
ഉദിനസെക്കെതിരെ ഒരു ഗോളിന് പിന്നിട്ടുനിന്നശേഷമാണ് രണ്ടെണ്ണം തിരിച്ചടിച്ച് ലാസിയോ ക്വാര്ട്ടറിലേക്ക് യോഗ്യത നേടിയത്. ഗോള്രഹിതമായ ആദ്യപകുതിക്കുശേഷം 67-ാം പനാജിയോറ്റിസ് കോനെയിലൂടെ ഉദിനസെ ലീഡ് നേടി. എന്നാല് 70-ാം മിനിറ്റില് അലസ്സാന്ഡ്രോ മാറ്റ്റിയും 79-ാം മിനിറ്റില് ഡാനിയേലോ കറ്റാല്ഡിയും ലക്ഷ്യം കണ്ടതോടെ വിജയം ലാസിയോക്കൊപ്പം നിന്നു. ജുവന്റസാണ് ക്വാര്ട്ടറില് ലാസിയോയുടെ എതിരാളികള്.
