ചക്കിട്ടപാറ: ചക്കിട്ടപാറ ഗ്രാമപഞ്ചായത്തിലെ ഏഴ് വാര്ഡുകള് കേന്ദ്രീകരിച്ച് നടപ്പാക്കുന്ന കേരഗ്രാമം പദ്ധതിയുടെ ഒന്നാം ഘട്ട പ്രവര്ത്തനങ്ങള്ക്ക് തുടക്കമായി. നടപ്പുസാമ്പത്തിക വര്ഷം ഒന്നരക്കോടി രൂപയുടെ പ്രവര്ത്തനങ്ങളാണ് ലക്ഷ്യമിടുന്നത്. ഇത് നടപ്പില് വരുത്തുന്നതിനുള്ള ക്രമീകരണങ്ങള്ക്ക് രൂപം നല്കുന്നതിനുള്ള യോഗം ഗ്രാമപഞ്ചായത്ത് ഹാളില് ചേര്ന്നു. പ്രസിഡന്റ് ഷീജാശശി ഉദ്ഘാടനം ചെയ്തു. ചക്കിട്ടപാറ കൃഷി ഓഫീസര് സി.എച്ച്. വിജയലക്ഷ്മി അദ്ധ്യക്ഷത വഹിച്ചു. പ്രിന്സിപ്പല് ജില്ലാ കൃഷി ഓഫീസര് കെ.എ. ആയിഷാബി പദ്ധതി പ്രവര്ത്തനങ്ങള് വിശദീകരിച്ചു. പേരാമ്പ്ര കൃഷി അസിസ്റ്റന്റ് ഡയറക്ടര് എ പുഷ്പ കര്ഷകരായ പാപ്പച്ചന്, ഷാജന്ബേബി, ഹമീദ്, ജോര്ജ് ജോസ്, സജി വിജയകുമാര്, യു.എം. രാഘവന് നായര്, ജോണ്സണ്, ജോര്ജ് ഷാജു, സണ്ണി പ്രകാശ്, എ.കെ. അബ്ദുറഹിമാന്, കെ.പി. ജിനീഷ് എന്നിവര് സംസാരിച്ചു. മാര്ച്ച് 31നുള്ളില് നടപ്പാക്കേണ്ട പദ്ധതികള് സംബന്ധിച്ച് തീരുമാനങ്ങള് യോഗം കൈക്കൊണ്ടു. 500 ഹെക്ടറുകളിലായി 87,500 തെങ്ങുകളെ പരിപോഷിപ്പിക്കുകയും ആദായകരമാക്കുകയും ചെയ്യുന്ന പദ്ധതിയാണിത്.
ചക്കിട്ടപാറ കേരഗ്രാമം: ഒന്നരക്കോടിയുടെ പദ്ധതികള്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.