thekku kadathu
കൊട്ടാരക്കര: സര്ക്കാര് പുറമ്പോക്കിലെ ലക്ഷങ്ങള് വിലവരുന്ന തേക്കുമരങ്ങള് മുറിച്ചുകടത്തി. കൊല്ലം-ചെങ്കോട്ട ദേശീയപാതയില് കിള്ളൂര് നാടല്ലൂര് അമ്പലത്തിനു സമീപം നാഷണല് ഹൈവേയിലെ പുറമ്പോക്കില് നിന്ന നാല് തേക്കുമരങ്ങളാണ് ഞായറാഴ്ച രാത്രി സ്വകാര്യവ്യക്തി മുറിച്ചുമാറ്റിയതായി പരാതി ഉയര്ന്നത്. വര്ഷങ്ങളായി നെടുവത്തൂര് വില്ലേജാഫീസില് രേഖയുള്ള സര്ക്കാര് പുറമ്പോക്ക് സ്ഥലമാണിത്. സമീപ വസ്തുവിന്റെ ഉടമ അവിടെ നിന്നിരുന്ന തേക്കുമരങ്ങള് മുറിച്ചിരുന്നു. അതിനോടൊപ്പമാണ് സര്ക്കാര് പുറമ്പോക്കിലെ തേക്ക് മരങ്ങളും മുറിച്ചതെന്ന് നാട്ടുകാര് പറയുന്നു. ലക്ഷങ്ങളാണ് തേക്കുമരത്തിന് വില കണക്കാക്കുന്നത്. നെടുവത്തൂര് വില്ലേജ് ഓഫീസര് സ്ഥലത്തെത്തി പ്രാഥമികന്വേഷണം നടത്തി. വിശദമായ റിപ്പോര്ട്ട് കൊട്ടാരക്കര തഹസീല്ദാര്ക്ക് നല്കുമെന്ന് അദ്ദേഹം അറിയിച്ചു.
