നാദാപുരം: ഏറെകൊട്ടി ഘോഷിച്ചു മാസങ്ങള്ക്ക് മുന്പ് മുഖ്യമന്ത്രി തറക്കല്ലിട്ട നാദാപുരം ഗവ കോളേജ് കെട്ടിടനിര്മ്മാണം വൈകുന്നതില് പ്രതിഷേധവുമായി വിദ്യാര്ഥികള്. ഇന്ന് രാവിലെ കോളേജിന് സ്ഥലം കണ്ടെത്തിയ കിണംമ്പറ കുന്നില്വിദ്ധ്യാര്ത്ഥികള് പ്രതീകാത്മക കുറ്റിയടിക്കല് നടത്തും. നാദാപുരം കല്ലാച്ചിയിലെ ഉള് പ്രദേശമായ ചെങ്കുത്തായ കിണംമ്പറക്കുന്നില് അഞ്ച്ഏക്കര് ഭൂമിയില് രണ്ടര ഏക്കര് കമ്മറ്റി വിലക്ക് വാങ്ങുകയായിരുന്നു . ഈ സ്ഥലത്ത് എം.എല്.എ യുടെ വികസന ഫണ്ടില് നിന്ന് അഞ്ച് കോടി രൂപയും നാട്ടുകാരില് നിന്ന് പിരിച്ചെടുത്ത ഒന്നരമേകാടിരൂപയും ഉപയോഗിച്ചായിരുന്നു കോളേജ് നിര്മ്മാണത്തിന് പദ്ധതിയിട്ടത്. .എം.എല്.എ ചെര്മാനായി രൂപീകരിച്ച കമ്മറ്റിയായിരുന്നു ഫണ്ട് സ്വരൂപിച്ചതും കെട്ടിട നിര്മ്മാണത്തിനായി ഭൂമി കണ്ടെത്തിയതും .
അതേസമയം കെട്ടിടത്തിന്റെ എസ്റ്റിമേറ്റ് തയ്യാറാക്കിയതായും ഊരാളുങ്കല് ലേബര് കോണ്ട്രാക്റ്റ് സൊസെറ്റിക്ക് നിര്മ്മാണകരാര് നല്കിയതായും ഉടന് തന്നെ നിര്മ്മാണ പ്രവൃത്തി തുടങ്ങാന് കഴിയുമെന്നും എം.എല്.എ ഇ.കെ. വിജയന് പറഞ്ഞു .
